பிரபல நடிகை மர்ம மரணம்... திறந்த வெளியில் கிடந்த உடல் மீட்பு!

அமெரிக்காவில் 'ஜெனரல் ஹாஸ்பிடல்' நாடகத் தொடரில் நடித்து பிரபலமான நடிகை ராபின் பெர்னாட் சடலம் திறந்த வெளியில் மீட்கப்பட்டது.

அமெரிக்காவில் கடந்த 1984-ம் ஆண்டில் பெரும் வரவேற்பைப் பெற்ற 'ஜெனரல் ஹாஸ்பிடல்' நாடகத் தொடரில் நடித்து புகழ்பெற்றவர் நடிகை ராபின் பெர்னார்ட் (64). இந்நிலையில் கலிபோர்னியாவின் சான் ஜசிந்தோவில் ஒரு திறந்தவெளிப் பகுதியில் நேற்று இவரது சடலம் கிடந்துள்ளது. இதுகுறித்து தகவலறிந்த ரிவர்சைடு கவுண்டி ஷெரிப் போலீஸார் அங்கு சென்று ராபின் பெர்னார்ட்டின் சடலத்தை மீட்டு பிரேத பரிசோதனைக்கு அனுப்பிவைத்தனர்.

பின்னர் இது தொடர்பாக வழக்குப்பதிந்து அவரது இறப்புக்கான காரணம் குறித்து விசாரித்து வருகின்றனர். 1984 முதல் 1990 வரை வெளியான 'ஜெனரல் ஹாஸ்பிடல்' தொடரில் ராபின் பெர்னார்ட், டேவிட் க்ரோவின் வில்லனான டி.எல்.பிராக்கின் மகளாக நடித்தார்.

1990-ல் அந்த தொடரிலிருந்து அவர் வெளியேறும் வரை 145 எபிசோடுகளில் நடத்துள்ளார். அதைத் தொடர்ந்து கடந்த 1981-ம் ஆண்டில் வெளிவந்த 'திவா', 1986-ம் ஆண்டில் வெளியான 'பெட்டி ப்ளூ' போன்ற திரைப்படங்களில் நடித்துள்ளார். கடந்த 2002-ம் ஆண்டு வெளியான 'வாய்சஸ் ஃப்ரம் தி ஹைஸ்கூல்' என்ற நாடகத்தில் சைக்காலஜிஸ்ட்டாக கடைசியாக நடித்திருந்தார்.

கடந்த 20 ஆண்டுகளுக்கும் மேலாக நடிப்பிலிருந்து விலகியிருந்த நிலையில், ராபின் பெர்னாட் நேற்று சடலமாக கண்டெடுக்கப்பட்டது அவரது ரசிகர்களிடையே அதிர்ச்சியை ஏற்படுத்தி உள்ளது. சமூக வலைதளங்களில் பலரும் அவரது இறப்புக்கு இரங்கல் தெரிவித்து வருகின்றனர்.

இதையும் வாசிக்கலாமே...

மாங்கல்ய வரம் தரும் ‘காரடையான் நோன்பு... வழிபடும் முறை... சொல்ல வேண்டிய ஸ்லோகம்!

இந்த 23 வகை நாய்களை இனி வீட்டில் வளர்க்கக்கூடாது... மத்திய அரசு அதிரடி உத்தரவு!

வாட்ஸ்-அப் செயலியில் அசத்தலான அப்டேட்... பயனர்கள் மகிழ்ச்சி!

பகீர்... காதலியின் கையைத் துண்டித்த காதலன்: வேறு ஒருவருடன் நிச்சயமானதால் வெறிச்செயல்!

அதிமுகவுடன் தான் கூட்டணியா?...தேமுதிக மீண்டும் பேச்சுவார்த்தை!