பாரதிதாசனின் பிறந்தநாளையொட்டி ‘தமிழ் வெல்லும்' என்ற பெயரில் போட்டிகள்: தமிழக அரசு அறிவிப்பு

நாளை சிறப்​பிக்​கும் வகை​யில் 'தமிழ் வெல்​லும்' என்ற பெயரில் பேச்​சு, கவிதை, கட்​டுரை, ஓவிய போட்​டிகள் நடத்​தப்​படும் என தமிழக அரசு அறி​வித்​துள்​ளது.

இதுதொடர்​பாக தமிழக அரசு நேற்று வெளி​யிட்ட செய்​திக்​குறிப்​பில் கூறப்​பட்டு இருப்​ப​தாவது: பாவேந்​தர் பார​தி​தாசனின் பிறந்​த​நாளை சிறப்​பிக்​கும் வகையில் ஏப்​ரல் 29 முதல் மே 5 வரை தமிழ் வார​மாகக் கொண்​டாடப்​படும் என்று தமிழக முதல்​வர் அறி​வித்​துள்​ளார். இதையொட்டி செய்தி மக்​கள் தொடர்​புத்​துறை​யின் ஊடக மையம் வாயி​லாக ‘தமிழ் வெல்​லும்’ என்ற தலைப்​பில் பல்​வேறு போட்​டிகள் நடத்​தப்பட உள்​ளன. போட்​டிகளும் அவற்​றுக்​கான விதி​முறை​களும் பின்​வரு​மாறு:

பேச்சுப் போட்டி: ‘தமிழ் எங்​கள் உயிருக்கு நேர்!’, ‘உயிரை உணர்வை வளர்ப்​பது தமிழே!’, ‘பாரடா உனது மானிடப் பரப்​பை!’, ‘எங்​கள் பகைவர் எங்கோ மறைந்​தார்’, ‘ஒரு கதை சொல்​லட்​டு​மா’ ஆகிய தலைப்​பு​களில் ஏதேனும் ஒன்​றில் படைப்​பு​கள் வீடியோ அல்​லது ஆடியோ வடி​வில் அமைய வேண்​டும். (3 நிமிடம்).

கவிதைப் போட்டி: ‘தமிழே! தமிழர் உயிரே!’, ‘வரிப் புலியே தமிழ் காக்க எழுந்​திரு!’, ‘இனிமைத் தமிழ்​மொழி எமது!’, ‘தமிழும் நானும்’ ஆகிய 4 தலைப்​பு​களில் ஏதாவது ஒன்​றில் ஒரு பக்க அளவில் கவிதைகள் அமைய வேண்​டும். கவிதைகளை பிடிஎப் கோப்​பில் அனுப்ப வேண்​டும்​.

கட்டுரைப் போட்டி: ‘பு​தி​யதோர் உலகு செய்​வோம்’, ‘துறைதோறும் தொண்டு செய்​வாய்​!’, ‘அறிவை விரிவு செய்​!’, ‘மாபெரும் தமிழ்க் கனவு’ ஆகிய தலைப்​பு​களில் ஏதாவது ஒன்​றில் 3 பக்க அளவில் கட்​டுரை எழுதி பிடிஎப் கோப்​பில் அனுப்ப வேண்​டும்​.
ஓவியப் போட்டி பாவேந்தரின் கவிதைகள், காவியங்கள், நாடகங்களைக் கருவாகக் கொண்டு ஓவியங்கள் அமைய வேண்டும். ஓவியங்களை பிடிஎப் கோப்பாக அனுப்ப வேண்டும்

ஒப்பித்தல் போட்டி: ​பாவேந்​தரின் ‘தமிழியக்​கம் நூலிலிருந்து கரும்பு தந்த தீஞ்​சாறே, ஒண்​ட​மிழ்த்​தாய் சிலம்​படி​யின் பாடல்​களை பரிந்​துரைக்​கலாம். படைப்பு வீடியோ அல்​லது ஆடியோ வடி​வில் அமைய வேண்​டும். (3 நிமிடம்).
போட்​டிகளில் கலந்​து​கொள்ள விரும்​புவோர் தங்​கள் படைப்​பு​களை tndiprmhtamilvellum@gmail.com என்ற மின்​னஞ்​சல் முகவரிக்கு மே மாதம் 31-ம் தேதிக்​குள் அனுப்​பு​மாறு கேட்​டுக்​கொள்​ளப்​படு​கிறார்​கள். இவ்​வாறு அதில் கூறப்​பட்​டுள்​ளது.