அரசியல்வாதியால் கேப்டன் பதவியை இழந்தேன்... ஆந்திர கிரிக்கெட் வீரர் ஹனுமா விஹாரி கொந்தளிப்பு!

அரசியல்வாதியின் மகனான கிரிக்கெட் வீரர் ஒருவரை திட்டியதால் தனது கேப்டன் பதவி பறிக்கப்பட்டதாக ஆந்திரா ரஞ்சி கிரிக்கெட் அணியின் வீரர் ஹனுமா விஹாரி குற்றம் சாட்டியுள்ளது பெரும் சர்ச்சையை ஏற்படுத்தி உள்ளது.

ரஞ்சிக் கோப்பை போட்டியில் ஆந்திர மாநில கிரிக்கெட் அணியில் விளையாடி வருபவர் ஹனுமா விஹாரி. இந்தியாவிற்காக 16 டெஸ்ட் போட்டிகளிலும் விஹாரி விளையாடியுள்ளார். இந்த நிலையில் நடப்பாண்டு ரஞ்சிக் கோப்பை கிரிக்கெட் போட்டியில் ஆந்திர அணியின் கேப்டனாக அவர் பொறுப்பு வகித்து வந்தார். திடீரென ஹனுமா விஹாரி நீக்கப்பட்டு அவருக்கு பதிலாக திலக் வர்மா ஆந்திர அணியின் கேப்டனாக அறிவிக்கப்பட்டார். இது அப்போது சர்ச்சையை ஏற்படுத்தியிருந்த நிலையில் போட்டி முடியும் வரை வீரர்கள் யாரும் இது குறித்த கருத்து தெரிவிக்கவில்லை. இந்த நிலையில் தற்போது இந்த சம்பவம் தொடர்பாக தனது எக்ஸ் தள பக்கத்தில் ஹனுமா விஹாரி நீண்ட பதிவு ஒன்றை பதிவிட்டுள்ளார்.

அதில், ‘நாங்கள் கடைசி வரை கடுமையாக போராடினோம். ஆனால் அது நடக்கவில்லை. ஆந்திராவுடனான மற்றொரு காலாண்டில் எங்கள் அணி தோல்வியடைந்தது. இந்தப் பதிவு நான் முன்வைக்க விரும்பும் சில உண்மைகளைப் பற்றியது. பெங்கால் அணிக்கு எதிரான முதல் ஆட்டத்தில் நான் கேப்டனாக இருந்தேன். அந்த ஆட்டத்தின் போது நான் 17 வது வீரரை திட்டினேன், அவர் தனது அப்பாவிடம் (அரசியல்வாதி) புகார் செய்தார். பதிலுக்கு அவரது அப்பா என் மீது நடவடிக்கை எடுக்குமாறு சங்கத்திடம் கேட்டார். இருப்பினும், கடந்த ஆண்டு இறுதிப் போட்டியாளர்களான பெங்கால் அணிக்கு எதிராக நாங்கள் 410 ரன்களை சேஸ் செய்தோம். அந்த வீரரிடம் நான் தனிப்பட்ட முறையில் எதுவும் சொல்லவில்லை. ஆனால் கடந்த ஆண்டு தனது உடலை வருத்தி இடது கை பேட் செய்த பையனை விட அந்த வீரர் தான் முக்கியம் என்று சங்கம் நினைத்தது.

கடந்த 7 ஆண்டுகளில் ஆந்திராவை 5 முறை நாக் அவுட்டுக்கு அழைத்துச் சென்றது, இந்தியாவுக்காக 16 டெஸ்ட் போட்டிகளில் விளையாடியது என பங்களித்துள்ளேன். இந்த விவகாரத்தால் நான் சங்கடமாக உணர்ந்தேன். ஆனால் இந்த சீசனில் தொடர்ந்து விளையாடுவதற்கு ஒரே காரணம், நான் விளையாட்டையும் எனது அணியையும் மதிக்கிறேன். சோகமான விஷய்ம் என்னவென்றால், வீரர்கள், எதைச் சொன்னாலும் கேட்க வேண்டும் என்று சங்கம் நினைக்கிறது. நான் அவமானமாகவும் வெட்கமாகவும் உணர்ந்தேன். ஆனால் இன்று வரை நான் அதை வெளிப்படுத்தவில்லை.

என் சுய மரியாதையை இழந்து, ஆந்திராவுக்காக நான் ஒருபோதும் விளையாட மாட்டேன் என்று முடிவு செய்துள்ளேன். நான் அணியை விரும்புகிறேன். ஒவ்வொரு பருவத்திலும் நாம் வளரும் விதம் எனக்கு மிகவும் பிடிக்கும். ஆனால் சங்கம் நாங்கள் வளருவதை விரும்பவில்லை.’ என்று தெரிவித்துள்ளார். ஹனுமா விஹாரியின் இந்த பதிவு கிரிக்கெட் வீரர்கள் மற்றும் ரசிகர்களிடையே பெரும் அதிர்ச்சியை ஏற்படுத்தியுள்ளது.

இதையும் வாசிக்கலாமே...

மகளிர் உரிமைத்தொகை நிறுத்தப்பட்டுவிடும்... கனிமொழி எம்.பி., பேச்சு!

24 கேரட் தங்கத்தில் ரூ.3 கோடிக்கு பிறந்த நாள் கேக்... நடிகைக்கு பரிசாக வழங்கிய பிரபல பாடகர்!

கொடூரம்... 2 வயது குழந்தையைக் கடித்துக் கொன்ற தெருநாய்கள்!

ஓடும் ரயிலில் குத்தாட்டம்... இளசுகளின் ரீல்ஸ் மோகத்துக்கு எதிராக ரயில்வே மீண்டும் எச்சரிக்கை

கல்யாணம், கருமாதி, பிறந்த நாள்னு ரேபிஸ்ட்டுக்கு பரோல்... கொந்தளித்த பாடகி சின்மயி!