குட்நியூஸ்... ஆஸ்திரேலிய ஓபன் டென்னிஸ்: இந்திய வீரர் சுமித் நாகல் தகுதி!

ஆஸ்திரேலிய ஓபன் டென்னிஸ் தொடரில் கலந்துகொள்ள இந்திய வீரர் சுமித் நாகல் தகுதி பெற்றுள்ளார்.

கிராண்ட்ஸ்லாம் போட்டிகளில் ஒன்றான ஆஸ்திரேலியா ஓபன் தொடர் வரும் 14-ம் தேதி மெல்பர்னில் தொடங்குகிறது. இதில் பல்வேறு நாடுகளைச் சேர்ந்த 128 வீரர், வீராங்கனைகள் கலந்துகொள்கின்றனர். இதில் 104 பேர் நேரடியாகத் தேர்வு செய்யப்படுகின்றனர். அதேபோல், 16 பேர் தகுதிச்சுற்றின் மூலமும், 8 பேர் வைல்டு கார்டு சுற்று மூலமாகவும் தேர்வு செய்யப்படுகின்றனர்.

இந்த தொடருக்கான தகுதிச் சுற்று ஆட்டங்கள் கடந்த 8-ம் தேதி தொடங்கியது. இதில் இந்தியாவின் சுமித் நாகல் ஆடவர் ஒற்றையர் பிரிவில் கலந்துகொண்டார். கடந்த 10-ம் தேதி நடைபெற்ற தகுதிச் சுற்றுப்போட்டியில் அவர் பிரான்சின் ஜெஃப்ரி பிளாங்கனேக்ஸை வீழ்த்தி இரண்டாம் சுற்றுக்கு முன்னேறினார்.

இதனைத் தொடர்ந்து, நேற்று நடைபெற்ற இரண்டாம் சுற்று ஆட்டத்தில் ஆஸ்திரேலியாவின் எட்வர்ட் விண்டரை 6-3, 6-2 என்ற சேர் செட்களில் வீழ்த்தி, இறுதிச் சுற்றுக்குத் தகுதி பெற்றார். இன்று நடைபெற்ற இறுதிப் போட்டியில் அவர் ஸ்லோவோக்கியாவின் அலெக்ஸ் மால்கனை எதிர்கொண்டார்.

விறுவிறுப்பாக நடைபெற்ற இந்த ஆட்டத்தில் அவர் 6-4, 6-4 என்ற நேர் செட்களில் வெற்றி பெற்று ஆஸ்திரேலியா ஓபன் தொடரில் விளையாடத் தகுதி பெற்றார். இதன் மூலம் அவர் ஆஸ்திரேலியா ஓபன் தொடரில் முதல் முறையாக அவர் விளையாட உள்ளார். சுமித் கடந்த 2019 மற்றும் 2020-ம் ஆண்டு நடைபெற்ற அமெரிக்க ஓபன் தொடருக்குத் தகுதி பெற்று விளையாடினார் என்பது குறிப்பிடத்தக்கது.

இதையும் வாசிக்கலாமே...

'என்னம்மா இப்படி பண்றீங்களேம்மா'...பிரேமலதா விஜயகாந்தை தெறிக்கவிடும் நெட்டிசன்கள்!

சபரிமலை ஐயப்பன் கோயில் மகரவிளக்கு பூஜை... தேவசம் போர்டு முக்கிய அறிவிப்பு!

எண்ணூர் தனியார் தொழிற்சாலையில் இருந்து கசிந்த அமோனியா வாயு...பாதிக்கப்பட்ட மக்களுக்கு விரைவில் இழப்பீடு!

அதிர்ச்சி... பயங்கர விபத்து: மயிரிழையில் உயிர் தப்பிய முன்னாள் முதல்வர்!

டென்னிஸ் மைதானத்தில் கிரிக்கெட்... ஜோகோவிச், ஸ்டீவ் ஸ்மித் அலப்பறை!