[X] Close

2-வது வெற்றியைப் பெறும் முனைப்பில் ராயல் சேலஞ்சர்ஸ் பெங்களூரு: கொல்கத்தா அணியுடன் இன்று பலப்பரீட்சை


2

  • kamadenu
  • Posted: 19 Apr, 2019 10:27 am
  • அ+ அ-

ஐபிஎல் டி20 கிரிக்கெட் லீக் தொடரின் இன்றைய ஆட்டத்தில் ராயல் சேலஞ்சர்ஸ் பெங்களூரு, கொல்கத்தா நைட் ரைடர்ஸ் அணிகள் மோதவுள்ளன.

இன்று இரவு 8 மணிக்கு கொல்கத்தா ஈடன் கார்டன் மைதானத்தில் இந்த போட்டி நடைபெறவுள்ளது.

தொடர்ந்து 6 தோல்விகளை பெற்ற பெங்களூரு அணி, 7-வது போட்டியில் வெற்றி கண்டது. ஆனால் 8-வது ஆட்டத்தில் மீண்டும் தோல்வி கண்டது. இதனால் அந்த அணி பிளே ஆப் சுற்றுக்குத் தகுதி பெறுவதற்கான வாய்ப்பு குறைந்துவிட்டது.

இதனால் கொல்கத்தாவுடனான இன்றைய ஆட்டத்தில் வெற்றி பெற்றே ஆக வேண்டிய கட்டாயத்தில் பெங்களூரு அணி உள்ளது.

பெங்களூரு அணியின் பேட்டிங் விராட் கோலி, பார்த்தீவ் பட்டேல், காலின் இங்கிராம், டிவில்லியர்ஸ், மொயின் அலி, சிவம் துபே என வலிமையாக உள்ளது.

அதைப் போலவே பவுலிங்கில் உமேஷ் யாதவ், யுவேந்திர சாஹல், டேல் ஸ்டெயின், டிம் சவுதி போன்ற ஜாம்பவான்களைக் கொண்டுள்ளது. இவர்கள் அனைவரும் ஒருங்கிணைந்து செயல்படும் பட்சத்தில் கொல்கத்தாவை பெங்களூரு வெல்வதற்கான வாய்ப்புள்ளது. அதே நேரத்தில் கொல்கத்தா வீரர் ஆந்த்ரே ரஸ்ஸல், பெங்களூரு பவுலர்களை மிரட்டக் காத்திருக்கிறார். இந்தத் தொடரில், சீரான ஆட்டத்தை வெளிப்படுத்தி ரன்களைக் குவித்து வருகிறார் ரஸ்ஸல். ஆனால் கடந்த ஆட்டத்தின்போது ரஸ்ஸல் காயமடைந்தார். அவர் விளையாடும்பட்சத்தில் அவரது ஆட்டம் நிச்சயம் பெங்களூரு அணிக்குத் தலைவலியாக அமையும்.

பெங்களூருடனான கடந்த லீக் போட்டியின்போது அவர் 13 பந்துகளில் 48 ரன்கள் குவித்தார். இதில் 7 சிக்ஸர்களை ரஸ்ஸல் பறக்கவிட்டது நினைவிருக்கலாம்.

பெங்களூருடனான ஆட்டத்தில் ரஸ்ஸல் விளையாடுவாரா என்பது இதுவரை தெரியவில்லைபேட்டிங்கில் தினேஷ் கார்த்திக், ராபின் உத்தப்பா, கிறிஸ் லின், சுனில் நரேன், சுப்மான் கில், நித்திஷ் ராணா ஆகியோரை நம்பியுள்ளது கொல்கத்தா. அதைப் போல பவுலிங்கில் பிரஷித் கிருஷ்ணா, ஹாரி கர்னி, குல்தீப் யாதவ், சுனில் நரேன், பியுஷ் சாவ்லா ஆகியோர் பலம் சேர்க்கின்றனர்.

வாக்களிக்கலாம் வாங்க

'மிஸ்டர் லோக்கல்' உங்கள் ஸ்டார் ரேட்டிங் என்ன?

போட்டோ கேலரி

Hindu Tamil Thisai - Kindle Edition


[X] Close