[X] Close

இந்த இந்திய பேட்டிங் வரிசையை விட சிறந்த இந்திய பேட்டிங் வரிசையை நான் பார்த்திருக்கிறேன்: இயன் சாப்பல்


ian-chappell

  • முத்துக்குமார்
  • Posted: 08 Jan, 2019 21:08 pm
  • அ+ அ-

வரலாறு படைத்த இந்த இந்திய அணியின் பேட்டிங்தான் இதுவரை ஆஸ்திரேலியாவில் ஆடிய சிறந்த இந்திய பேட்டிங் வரிசை என்று கூற முடியாது என்று இயன் சாப்பல் தெரிவித்துள்ளார்.

ஈஎஸ்பிஎன் கிரிக் இன்போ இணையதளத்தில் இயன் சாப்பல் கூறியதாவது:

இந்த இந்திய அணி சிறந்த வேகப்பந்து கூட்டணியாகும், இந்தியாவிலிருந்து வந்த அணிகளில் இந்தப் பந்து வீச்சுக் கூட்டணி சிறந்தது, சிறந்த பீல்டிங் அணியாகவும் உள்ளது.

ஆனால் இது சிறந்த பேட்டிங் அணி என்று கூற முடியாது, இந்த அணியை விட சிறந்த பேட்டிங் வரிசையை நான் இதற்கு முன் கண்டுள்ளேன்.

இந்திய பவுலர்கள் ஆஸ்திரேலிய பவுலிங் வரிசையை முறியடித்து விட்டனர். நிறைய ஸ்விங் செய்கின்றனர்.  ஆஸி. பவுலர்களுக்கு ஸ்விங் கை கூடவில்லை. பந்தின் தையலை மிக அருமையாக நிலைப்படுத்துகின்றனர் இந்த இந்திய வீச்சாளர்கள், பந்தை ஃபுல் லெந்தில் வீசுகின்றனர், இதனால்தான் ஆஸ்திரேலியர்களை விட அதிக ஸ்விங் அவர்களால் செய்ய முடிகிறது என்று நான் நினைக்கிறேன்.

இவ்வாறு கூறினார் இயன் சாப்பல்.

Advt:

போட்டோ கேலரி

Hindu Tamil Thisai - Kindle Edition


[X] Close