மின்சாரம் தாக்கி உயிரிழந்த குரங்கு... இறுதி மரியாதையுடன் அடக்கம் செய்த ஊராட்சி பணியாளர்கள்!

ஈரோடு மாவட்டம் தாளவாடியில் மின்சாரம் தாக்கி உயிரிழந்த குரங்கின் உடலுக்கு ஊராட்சி தூய்மைப் பணியாளர்கள் இறுதிச் சடங்குகள் செய்து, அடக்கம் செய்த சம்பவம் அனைவரையும் நெகிழ்ச்சிக்கு உள்ளாக்கியிருக்கிறது.

ஈரோடு மாவட்டம் தாளவாடி பகுதியில் குரங்குகள் நடமாட்டம் அதிகரித்துக் காணப்படுகிறது. பேருந்து நிலையம் உள்ளிட்ட முக்கிய இடங்களில் குரங்குகள் நடமாட்டம் அதிகமாக இருப்பதால் பொதுமக்கள் பாதிப்புகளுக்கு உள்ளாகி வருகின்றனர்.

இந்த நிலையில் தாளவாடி பேருந்து நிலையம் அருகில் மின்சார கம்பத்தில் ஏறிய குரங்கு ஒன்று எதிர்பாராத விதமாக மின்சாரம் தாக்கி உயிரிழந்து, கம்பியிலேயே தொங்கிய நிலையில் காணப்பட்டது. இதைக்கண்ட தாளவாடி ஊராட்சி தூய்மைப் பணியாளர் முருகன் என்பவர் மின்வாரிய ஊழியர்களுக்கு தகவல் கொடுத்தார்.

இதையடுத்து அங்கு வந்த மின்வாரிய ஊழியர்கள் மின்சாரத்தை நிறுத்திவிட்டு குரங்கின் உடலை கீழே இறக்கினர். இதையடுத்து குரங்கின் உடலை எடுத்துச்சென்ற முருகன் தலைமையிலான ஊராட்சி தூய்மைப் பணியாளர்கள் அதற்கு மஞ்சள் உள்ளிட்ட பொருட்கள் தூவி, மாலை அணிவித்து இறுதி மரியாதை செய்து அடக்கம் செய்தனர்.

தாளவாடி பகுதியில் குரங்குகளை ஆஞ்சநேயரின் வடிவமாக கருதி மக்கள் வழிபட்டு வருவதால் இறந்து போன குரங்கிற்கு தெய்வ முறைப்படி மரியாதை செய்து வழிபட்டு அடக்கம் செய்ததாக தூய்மைப் பணியாளர்கள் தெரிவித்தனர். இறந்து போன குரங்கிற்கு இறுதி மரியாதை செய்த தூய்மைப் பணியாளர்களின் செயல் அனைவரையும் நெகிழ்ச்சிக்கு உள்ளாக்கியது.

இதையும் வாசிக்கலாமே...

HBD Rajinikanth| பெயர் தந்த ஏ.வி.எம்.ராஜன்... குற்றவுணர்ச்சிக்குத் தள்ளிய அந்த சம்பவம்!

ராமஜெயம் கொலை வழக்கில் திடீர் பரபரப்பு...விசாரணைக்குச் சென்றவர் வெட்டிக்கொலை!

அதிரடி... விதிகளை மீறியதாக 350 மருத்துவக் கல்லூரிகளுக்கு நோட்டீஸ்!

அதிகாலையில் பெரும் சோகம்... ஏரி உடைந்து ஊருக்குள் பாய்ந்த தண்ணீர்... அலறியடித்து ஓடிய மக்கள்!

2023-ம் ஆண்டில் இந்தியர்கள் கூகுளில் அதிகம் தேடியது... இவைதான்!