[X] Close

நான் என்ன செய்து கொண்டிருக்கிறேன் தெரியுமா?- வைரலாகும் நித்தியின் வீடியோ


nityananada-viral-video

  • பாரதி ஆனந்த்
  • Posted: 19 Sep, 2018 11:20 am
  • அ+ அ-

பாலியல் பலாத்கார புகாரில் சிக்கிய சாமியார் நித்யானந்தா சர்ச்சைகள் இல்லாமல் இருந்ததே இல்லை.

ரஞ்சிதா வீடியோ சர்ச்சை, ஆசிரமத்தில் இருந்த பெண்ணை பலாத்காரம் செய்த சர்ச்சை, மதுரை ஆதீனத்துடனான சர்ச்சை என்று அடுக்கிக் கொண்டே செல்லலாம். அந்த வரிசையில் தற்போது நிதியின் வீடியோ ஒன்று வைரலாகிக் கொண்டிருக்கிறது. நித்தியின் வீடியோ என்றவுடன் நீங்கள் வேறுமாதிரி யோசிக்க வேண்டாம். இது அவரின் 'சொற்பொழிவு' வீடியோ.

இன்னும் கொஞ்ச நாளில் மாடுகளும் எருதுகளும் உங்களிடம் மிக அழகான தமிழிலும் சமஸ்கிருதத்திலும் பேசும் என சாமியார் நித்யானந்தா பேசியிருக்கும் வீடியோ வைரலாகி வருகிறது. 

அதில் அவர் பேசியிருப்பதாவது:

நமக்கு இருக்கும் உள் உறுப்புகள் இல்லாத குரங்குகளையும் இன்னும் பிற விலங்குகளையும் சூப்பர் கான்சியஸ் நிலைக்கு கொண்டு சென்று அவற்றை தூண்டிவிட்டு அந்த விலங்குகள் தாமாகவே உள் உறுப்புகளை உருவாக்கும்படி செய்யவிருக்கிறேன். இதை நான் அறிவியல் பூர்வமாக நிரூபிக்கவும் உள்ளேன்.

இதற்கான மென்பொருளை நேற்று சோதனை செய்துவிட்டுதான் இன்று உங்களிடம் நான் இதை பேசுகிறேன். இன்னும் ஒரே ஆண்டில் இதை செயல்படுத்தி நிரூபிப்பேன். என்னால் குரங்களுக்கும், மாடுகள், எருதுகள், புலி, சிங்கங்களுக்கும் குரல் நாணை உருவாக்கப்போகிறேன். அது மொழியை பேசக்கூடியதாக இருக்கும். வெகு விரைவில் மாடுகளும் எருதுகளும் உங்களிடம் மிக அழகான பிழையில்லாத தமிழிலும் சமஸ்கிருதத்திலும் பேசும்.

இவ்வாறு அவர் கூறியிருக்கிறார்.

அவர் ஒவ்வொரு முறை இப்படி பிதற்றும்போதும் வீடியோவுக்கு பின்னணியாக இசை சேர்க்கப்பட்டுள்ளது. எதிரே குட்டி சீடர்களும் அமர்ந்துள்ளனர். இந்த வீடியோவைப் பகிர்ந்து, 2.0 டீஸரில் வரும் திஸ் இஸ் பியாண்ட் சயின்ஸ் (This is beyond Science) என்ற வசனத்தைப் பகிர்ந்து வருகின்றனர் நெட்டிசன்கள்.

இந்த வீடியோ எப்போது எடுக்கப்பட்டது என்பது தெரியவில்லை. ஆனால், இப்போது திடீரென வைரலாகிக் கொண்டிருக்கிறது.

வாக்களிக்கலாம் வாங்க

'லிசா உங்கள் ஸ்டார் ரேட்டிங் என்ன?

போட்டோ கேலரி

Hindu Tamil Thisai - Kindle Edition


[X] Close