[X] Close

விரைவில் புதிய 20 ரூபாய்: மாதிரி நோட்டுகளை வெளியிட்ட ரிசர்வ் வங்கி


20

  • kamadenu
  • Posted: 27 Apr, 2019 12:51 pm
  • அ+ அ-

இளம் பச்சையும் மஞ்சளும் கலந்த நிறத்தில் புதிய 20 ரூபாய் நோட்டு விரைவில் வெளியாக உள்ளது. இந்நிலையில் மாதிரி நோட்டுகளை ரிசர்வ் வங்கி வெளியிட்டுள்ளது. 

பண மதிப்பிழப்பு செய்யப்பட்டபோது புதிய 500 மற்றும் 2000 ரூபாய் நோட்டுகள் அறிமுகப்படுத்தப்பட்டன. அதைத் தொடர்ந்து புதிய 50 மற்றும் 10 ரூபாய் நோட்டுகள் அறிமுகப்படுத்தப்பட்டன. அதன்பின் 200 ரூபாய் நோட்டுகளும் அதைத் தொடர்ந்து சமீபத்தில் 100 ரூபாய் நோட்டுகளும் அறிமுகப்படுத்தப்பட்டன. இவ்வரிசையில் விரைவில் ரூ.20 புதிய நோட்டையும் ரிசர்வ் வங்கி அறிமுகப்படுத்த உள்ளது.

அதற்கான மாதிரி நோட்டுகளை வெளியிட்டுள்ள ரிசர்வ் வங்கி இதுகுறித்து தெரிவித்துள்ள அறிக்கையில் தெரிவித்துள்ளதாவது:

''மகாத்மா காந்தி (புதிய) தொடரில் வெளியாகும் இந்நோட்டில் மத்திய வங்கிகள் கவர்னர் சக்தி காந்த தாஸ் கையெழுத்து இடம்பெற்றிருக்கிறது.

மகாத்மா காந்தியின் படத்தின் மையத்தில், மைக்ரோ எழுத்துகளில் 'ரிசர்வ் வங்கியுடன்' என்று உள்ளது. இது தவிர, 'பாரத்' இந்தியா 'மற்றும் '20', ஆகிய சொற்களும் இடம்பெற்றுள்ளன.

காந்தி படத்தை ஒட்டிய வலதுபுறத்தில் உறுதிமொழி மற்றும் ஆர்பிஐயின் விதிமுறை இடம்பெற்றுள்ளது. படத்தின் வலதுபுறத்தில் - அசோகா தூண் சின்னம் மற்றும் வாட்டர்மார்க்ஸில் 20 என்று மின்தட்டச்சு செய்யப்பட்ட எழுத்துகள் உள்ளன.

இந்நோட்டின் மறுபக்கத்தில், நாட்டின் கலாச்சார பாரம்பரியத்தைச் சித்தரிக்கும் வகையில், எல்லோரோ குகைகளின் தோற்றம் இடம்பெற்றுள்ளது. 20 ரூபாய் நோட்டுகள் அளவு 63 மி.மீ. x 129 மி.மீ .ஆகும்.

இந்நோட்டின் இரு பக்கங்களிலும் ஒட்டுமொத்த வடிவமைப்பில் வடிவவியல் இளம் பச்சையும் மஞ்சளும் கலந்த நிறம் பயன்படுத்தப்பட்டுள்ளது.

தற்போதுள்ள 20 ரூபாய் நோட்டுகள் செல்லும்

இந்த நோட்டு விரைவில் பயன்பாட்டுக்கு வரும் என்று தெரிகிறது. அதேநேரம் ஏற்கெனவே ரிசர்வ் வங்கி வெளியிட்டுள்ள, தற்பொழுது புழக்கத்தில் உள்ள  ரூ.20 ரூபாய் நோட்டுகளும் செல்லும் என ரிசர்வ் வங்கி அறிவித்துள்ளது.

வாக்களிக்கலாம் வாங்க

'கேம் ஓவர் ' உங்கள் ஸ்டார் ரேட்டிங் என்ன?

போட்டோ கேலரி

Hindu Tamil Thisai - Kindle Edition


[X] Close