பிஎஸ்என்எல் அதிகாரியிடம் ரூ.15.50 லட்சம் மோசடி - தேனி இளைஞர் கைது

கோவில்பட்டி: தனி​யார் பயிற்சி நிறு​வனம் அமைக்க அனுமதி வாங்​கித் தருவ​தாகக் கூறி, பிஎஸ்​என்எல் அதிகாரி​யிடம் ரூ.15.50 லட்சம் மோசடி செய்த தேனி மாவட்ட இளைஞரை போலீ​ஸார் கைது செய்​தனர். கோவில்​பட்டி அருகே பாண்​ட​வர்​மங்​கலம் ஊராட்சி ராஜீவ்​நகர் 5-வது தெரு​வைச் சேர்ந்​தவர் சவரிராஜ்(67). கோவில்​பட்டிபிஎஸ்​என்எல் நிறு​வனத்​தில் உதவி பொறி​யாளராக வேலை பார்த்து ஓய்வு பெற்​றவர்.

இவரை, தேனி மாவட்டம் சீலை​யம்​பட்​டியைச் சேர்ந்த ராமகிருஷ்ணன்​(31) என்பவர் கடந்த 2018-ம் ஆண்டு சந்தித்​தார். பாது​காப்பு மற்றும் பேரிடர் மேலாண்மை அகாடமி என்ற தனிப் பயிற்சி கல்வி நிறு​வனம் நடத்தி, அதிக பணம் சம்பா​திக்​கலாம் என்றும், இந்நிறு​வனம் தொடங்​கு​வதற்கான அனும​தியை, அகில இந்திய ரயில்வே பாது​காப்பு கவுன்​சிலில் உறுப்​பினரான தன்னால் வாங்​கித் தரமுடி​யும் என்றும் கூறி​யுள்​ளார்.

மேலும், அகில இந்திய ரயில்வே பாது​காப்பு கவுன்​சிலின் தலைவர் என, கும்​பகோணம் அருகே பட்டீஸ்​வரம் ராஜராஜ நகரைச் சேர்ந்த பத்ம​நாபன்​(54) என்பவரை சவரிராஜிடம் அறிமுகம் செய்​துள்ளார். அதுபோலவே, சென்னை தண்டை​யார்​பேட்டை ஜீவா நகர் 2-வது தெரு​வைச் சேர்ந்த காந்​தி​யை(46) செயலாளர் எனவும், தேனி மாவட்டம் சின்னமனூர் ஜமீன்​பிரபுவை(27) தலைமை ஒருங்​கிணைப்​பாளர் எனவும் அறிமுகம் செய்து வைத்​தார்.

இவர்கள் 4 பேரும் சேர்ந்து, தனிப் பயிற்சி கல்வி நிறுவன அனுமதி வாங்​கித் தருவதாக கூறி, பல்வேறு கட்டங்​களாக சவரிராஜிடம் சுமார் ரூ.15,36,641 பெற்றுள்​ளனர். கடந்த 2018ம் ஆண்டு ஆகஸ்ட் மாதம், அகில இந்திய ரயில்வே தனிப் பயிற்சி கல்வி நிறு​வனம் நடத்து​வதற்கான அனும​திச் சான்​றிதழை மேற்​கண்ட 4 பேரும், சவரிராஜிடம் வழங்​கினர். இதைப் பெற்றுக் கொண்ட சவரிராஜ், வாடகை கட்டிடம் ஒன்றில் பயிற்சி கல்வி நிறு​வனத்தை தொடங்​கினார்.

4 பேர் தலைமறைவு ஆனால், மத்திய அரசின் அங்கீ கார எண்ணை வழங்​காமல் இவர்கள் காலதாமதப்​படுத்தி வந்தனர். சந்தேகமடைந்த சவரிராஜ், 2019-ம் ஆண்டு அக்டோபர் மாதம் கோவில்​பட்டி குற்​ற​வியல் நீதி​மன்​றத்​தில் வழக்கு தொடுத்​தார். நீதி​மன்ற உத்தர​வின்​பேரில், கோவில்​பட்டி கிழக்கு காவல் நிலைய குற்​றப்​பிரிவு போலீ​ஸார் வழக்​குப்​ப​திவு செய்து, பண மோசடி​யில் ஈடுபட்ட 4 பேரை​யும் தேடி வந்​தனர். இந்​நிலை​யில், இவ்​வழக்​கில் தொடர்​புடைய ஜமீன்​பிரபுவை(27) ​போலீ​ஸார் நேற்று கைது செய்​தனர். மற்ற 3 பேரை​யும் தேடி வருகின்​றனர்​.