‘மதராஸி’ ரிலீஸ் தேதி அறிவிப்பு

‘அமரன்’ படத்தை அடுத்து சிவகார்த்திகேயன் நடித்துள்ள படம், ‘மதராஸி’.

ஏ.ஆர்.முருகதாஸ் இயக்கும் இதில் ருக்மணி வசந்த் நாயகியாக நடித்துள்ளார். விக்ராந்த், வித்யூத் ஜம்வால், பிஜு மேனன், சபீர் முக்கிய கதாபாத்திரங்களில் நடித்துள்ளனர். அனிருத் இசை அமைக்கிறார். லட்சுமி மூவிஸ் சார்பில் என். லட்சுமி பிரசாத் தயாரிக்கும் இந்தப் படத்தின் இறுதிக்கட்ட பணிகள் நடந்து வருகின்றன. இந்நிலையில் படத்தின் ரிலீஸ் தேதியைப் படக்குழு வெளியிட்டுள்ளது. அதன்படி செப்.5-ம் தேதி இந்தப் படம் வெளியாகிறது.

சிவகார்த்திகேயன் தற்போது சுதா கொங்கரா இயக்கும் ‘பராசக்தி’ படத்தில் நடித்து வருகிறார். இதில் ரவி மோகன் வில்லனாக நடிக்கிறார். அதர்வா, ஸ்ரீலீலா முக்கிய கதாபாத்திரங்களில் நடிக்கின்றனர்.