[X] Close

கமல் தயாரிப்பில் விக்ரம் : ‘கடாரம் கொண்டான்’ ஃபர்ஸ்ட் லுக் வெளியீடு


vikram-in-kadaram-kondan

  • kamadenu
  • Posted: 07 Nov, 2018 14:17 pm
  • அ+ அ-

விக்ரம் நடித்துவரும் ‘கடாரம் கொண்டான்’ படத்தின் ஃபர்ஸ்ட் லுக் வெளியிடப்பட்டுள்ளது.

விக்ரம் நடிப்பில் சமீபத்தில் ரிலீஸான படம் ‘சாமி ஸ்கொயர்’. ஹரி இயக்கிய இந்தப் படத்தில், ஹீரோயினாக கீர்த்தி சுரேஷ் நடித்தார். ஐஸ்வர்யா ராஜேஷ், சூரி, பாபி சிம்ஹா, ஜான் விஜய் ஆகியோர் முக்கியக் கதாபாத்திரங்களில் நடித்தனர்.

இதைத் தொடர்ந்து, ‘தூங்காவனம்’ படத்தின் இயக்குநரான ராஜேஷ் எம் செல்வா இயக்கத்தில் தற்போது நடித்து வருகிறார் விக்ரம். இதில், அக்‌ஷரா ஹாசன் மற்றும் அபு ஹாசன் ஆகியோர் முக்கியக் கதாபாத்திரங்களில் நடிக்கின்றனர்.

கமல்ஹாசனின் ராஜ்கமல் ஃபிலிம் இண்டர்நேஷனல் மற்றும் ட்ரைடென்ட் ஆர்ட்ஸ் ஆர்.ரவீந்திரன் ஆகியோர் இணைந்து இந்தப் படத்தைத் தயாரிக்கின்றனர். ஜிப்ரான் இசையமைக்க, ஸ்ரீனிவாஸ் ரெட்டி ஒளிப்பதிவு செய்கிறார். கடந்த செப்டம்பர் மாதம் இதன் படப்பிடிப்பு தொடங்கியது.

இந்நிலையில், அடுத்தகட்டப் படப்பிடிப்புக்காக படக்குழுவினர் மலேசியா செல்ல இருக்கின்றனர். அடுத்த ஆண்டு இறுதிக்குள் படத்தை ரிலீஸ் செய்யப் படக்குழுவினர் திட்டமிட்டுள்ளனர்.

இந்நிலையில், இந்தப் படத்தின் ஃபர்ஸ்ட் லுக் நேற்று (நவம்பர் 6) வெளியிடப்பட்டது. கமல்ஹாசன் தன்னுடைய ட்விட்டர் பக்கத்தில் இதை வெளியிட்டார். ‘கடாரம் கொண்டான்’ எனப் படத்துக்குத் தலைப்பு வைக்கப்பட்டுள்ளது. ‘கடாரம் கொண்டான்’ என்பது ராஜேந்திர சோழனின் பட்டப் பெயராகும்.

வாக்களிக்கலாம் வாங்க

'லிசா உங்கள் ஸ்டார் ரேட்டிங் என்ன?

போட்டோ கேலரி

Hindu Tamil Thisai - Kindle Edition


[X] Close