-
-
-
Loading
வரும் பெங்கல் அன்று உங்களையெல்லாம் நான் சந்திக்கிறேன் என ’லால் சலாம்’ படத்தின் டீசர் வெளியிட்டு, நடிகர் ரஜினிகாந்த் தெரிவித்துள்ளார்.
இயக்குநர் ஐஸ்வர்யா ரஜினிகாந்த் கிரிக்கெட் விளையாட்டை மையமாகக் கொண்டு ’லால் சலாம்’ எனும் ஒரு படத்தை இயக்கி உள்ளார். இப்படத்தின் படப்பிடிப்பு திருவண்ணாமலை, சென்னை, மும்பை ஆகியப் பல இடங்களில் நடைபெற்று முடிந்து, போஸ்ட் புரொடக்ஷன் பணிகளும் நிகழ்ந்துள்ளன. இப்படத்தில் நடிகர்கள் விஷ்ணு விஷால், விக்ராந்த் ஆகியோர் முதன்மை கதாப்பாத்திரங்களில் நடித்துள்ள நிலையில், ரஜினிகாந்த் கெளரவ தோற்றத்தில் நடித்துள்ளார்.
இப்படம் வரும் 2024ம் ஆண்டு பொங்கலன்று வெளியாகிறது. லால் சலாம் படத்தின் இசை வெளியீடுடிசம்பர் இரண்டாவது வாரத்தில், ரஜினியின் பிறந்தநாளையொட்டி நடைபெறவுள்ளது.
இந்நிலையில் படத்தின் டீஸர் காட்சிகளை இன்று நடிகர் ரஜினிகாந்த் வெளியிட்டார். அவர் வெளியிட்டுள்ள வீடியோவில், ‘’அனைவருக்கும் தீபாவளி வாழ்த்துக்கள். வரும் பொங்கல் அன்று உங்கள் அனைவரையும் சந்திக்கிறேன், லால் சலாம்’’ என தெரிவித்துள்ளார்.
