[X] Close

உ.பி.யின் சஹரான்பூரில் காங்கிரஸுக்கு பீம் ஆர்மி ஆதரவு


  • kamadenu
  • Posted: 10 Apr, 2019 14:59 pm
  • அ+ அ-

நயன்தாரா நடித்துள்ள ‘ஐரா’ படத்தின் தொலைக்காட்சி ஒளிபரப்பு உரிமையைக் கைப்பற்றியுள்ளது விஜய் டிவி.

‘எச்சரிக்கை: இது மனிதர்கள் நடமாடும் இடம்’ படத்தை இயக்கிய கே.எம்.சர்ஜுன், நயன்தாராவை வைத்து ‘ஐரா’ படத்தை இயக்கியுள்ளார். இந்தப் படத்தில், முதன்முறையாக இரண்டு வேடங்களில் நடித்துள்ளார் நயன்தாரா. அவருடன் இணைந்து கலையரசன், யோகி பாபு ஆகியோர் முக்கியக் கதாபாத்திரங்களில் நடித்துள்ளனர்.

‘அறம்’ படத்தைத் தயாரித்த கேஜேஆர் ஸ்டுடியோஸ் இந்தப் படத்தைத் தயாரித்துள்ளது. சுதர்சன் சீனிவாசன் ஒளிப்பதிவு செய்துள்ள இந்தப் படத்துக்கு, கே.எஸ்.சுந்தர மூர்த்தி இசையமைத்துள்ளார். கதை மற்றும் திரைக்கதையை பிரியங்கா ரவீந்திரன் எழுதியுள்ளார்.

படத்தின் தலைப்பான ‘ஐரா’ என்பது, இந்திரனின் வாகனமான ஐராவதம் என்ற யானையின் பெயரில் இருந்து எடுக்கப்பட்டது. இந்தப் படத்தைப் பார்த்த சென்சார் போர்டு அதிகாரிகள், படத்துக்கு ‘யு/ஏ’ சான்றிதழ் அளித்துள்ளனர். நாளை (மார்ச் 28) படம் ரிலீஸாக இருக்கிறது.

இந்நிலையில், ‘ஐரா’ படத்தின் தொலைக்காட்சி ஒளிபரப்பு உரிமையை விஜய் டிவி கைப்பற்றியிருப்பதாகத் தகவல் வெளியாகியுள்ளது. அதேபோல், டிஜிட்டல் ஒளிபரப்பு உரிமையை அமேசான் ப்ரைம் வீடியோ வாங்கியுள்ளது. ‘இமைக்கா நொடிகள்’ மற்றும் ‘விஸ்வாசம்’ படங்களைத் தொடர்ந்து, மூன்றாவது முறையாக நயன்தாரா படத்தின் டிஜிட்டல் ஒளிபரப்பு உரிமையைப் பெற்றுள்ளது அமேசான் ப்ரைம் வீடியோ.

போட்டோ கேலரி

Hindu Tamil Thisai - Kindle Edition


[X] Close