[X] Close

18 எம்எல்ஏக்கள் தீர்ப்பு குறித்து சர்ச்சைப் பேச்சு: ஸ்டாலின் மீது நீதிமன்ற அவதூறு வழக்கு?- அதிமுக சார்பில் மனு


18

  • kamadenu
  • Posted: 01 Apr, 2019 19:32 pm
  • அ+ அ-

‘96’ படத்தை இயக்கிய பிரேம் குமாருக்கு, கொல்லாபுடி ஸ்ரீனிவாஸ் விருது வழங்கப்பட்டுள்ளது.

மறைந்த இளம் இயக்குநர் கொல்லாபுடி ஸ்ரீனிவாஸ் நினைவாக, அவரது குடும்பத்தினர் ஆண்டுதோறும் சிறந்த அறிமுக இயக்குநர் விருதை வழங்கி வருகின்றனர். கடந்த வருடம் ‘எ டெத் இன் த குன்ஜி’ என்ற குஜராத்தி படத்தை இயக்கிய நடிகை கொங்கணா சென்னுக்கு இந்த விருது வழங்கப்பட்டது.

கடந்த 21 வருடங்களாக வழங்கப்பட்டு வரும் இந்த விருதுக்கு, இந்த வருடம் ‘96’ படத்தின் இயக்குநர் பிரேம் குமார் தேர்வு செய்யப்பட்டுள்ளார். ‘நடுவுல கொஞ்சம் பக்கத்த காணோம்’ படத்துக்கு ஒளிப்பதிவாளராகப் பணியாற்றிய பிரேம் குமார், இந்தப் படத்தின் மூலம் இயக்குநராக அறிமுகமானார்.

விஜய் சேதுபதி, த்ரிஷா, ஜனகராஜ், தேவதர்ஷினி ஆகியோர் நடித்த இந்தப் படம், பள்ளிக்கால காதலைப் பற்றியது. பலருக்கும் தங்களுடைய பள்ளிக் காதலை இந்தப் படம் நினைவூட்டியது. அதனால், படத்துக்குப் பலத்த வரவேற்பு கிடைத்தது.

கன்னடத்தில் ‘99’ என்ற பெயரில் இந்தப் படம் ரீமேக் செய்யப்பட்டுள்ளது. மேலும், தெலுங்கிலும் ரீமேக் செய்ய இருக்கின்றனர். பிரேம் குமார் இயக்க, சர்வானந்த் மற்றும் சமந்தா நடிக்கின்றனர்.

2001-ம் ஆண்டு வெளியான ‘குட்டி’ தமிழ்ப் படத்துக்காக ஜானகி விஸ்வநாதனுக்கு இந்த விருது வழங்கப்பட்டது. அதன்பிறகு, 19 வருடங்கள் கழித்து கொல்லாபுடி ஸ்ரீனிவாஸ் விருது பெறும் தமிழ்ப் படம் என்ற பெருமையைப் பெறுகிறது ‘96’.

போட்டோ கேலரி

Hindu Tamil Thisai - Kindle Edition


[X] Close