[X] Close

உயிரைப் பறித்த செல்ஃபி மோகம்: 800 அடி மலை உச்சியில் இருந்து விழுந்த ‘ஐடி’ ஜோடி மரணத்தில் புதிய தகவல்


indian-techie-seen-in-couple-s-selfie-minutes

  • ஜனார்த்தன பெருமாள்
  • Posted: 31 Oct, 2018 13:38 pm
  • அ+ அ-

வாஷிங்டன்

அமெரிக்காவில் 800 அடி உயர மலை உச்சியில் இருந்து கீழே விழுந்து ஐடித்துறையில் பணியாற்றும் இந்திய தம்பதியர் உயிரிழந்த சம்பவத்துக்கு ‘செல்ஃபி’ மோகமே காரணம் என அமெரிக்க ஊடகங்கள் செய்தி வெளியிட்டுள்ளன.

அமெரிக்காவின் நியூயார்க்கில் ஐடி ஊழியர்களாக பணியாற்றி வந்த தம்பதி விஷு விஸ்வநாத் (வயது 29) மற்றும் மீனாட்சி மூர்த்தி (வயது 30) கேரள மாநிலம் செங்கனூரில் படிக்கும்போதே காதலித்த இவர்கள் பின்னர் திருமணம் செய்து கொண்டு அமெரிக்காவில் ஐடித்துறையில் வேலை கிடைத்து அங்கு சென்றனர். நியூயார்க்கில் பணியாற்றி வந்த இருவரும் சமீபத்தில் கலிபோர்னியாவின் சான் ஜோஸ் நகருக்கு இடம் மாறினர்.

 சாகசப் பயணத்தில் அதிக ஆர்வம் கொண்ட இவர்கள் விடுமுறை நாட்களில், தவறாமல் சுற்றுலா செல்வது வழக்கம். கடந்த வாரம் அவர்கள் கலிபோர்னியாவின் பிரபல சுற்றுலா ஸ்தலமான ‘யோசிமிட்டே தேசிய பூங்கா’  சென்றனர். அங்குள்ள 800 அடி உயரம் கொண்ட மலை உச்சியில் இருந்து தவறி விழுந்து உயிரிழந்தனர். பள்ளத்தாக்கு பகுதியில் இருந்து அவர்களது உடல்கள் மீட்கப்பட்டன.

இந்த சம்பவம் குறித்து விசாரணை நடைபெற்று வருகிறது. அவர்கள் மரணத்துக்கு செல்ஃபி மோகமே காரணம் என அமெரிக்க ஊடகங்கள் செய்தி வெளியிட்டுள்ளன.

பாக்ஸ் நியூஸ் உள்ளிட்ட டிவி சேனல்கள் வெளியிட்டுள்ள செய்தியில், ‘விஷுவின் சகோதரர் ஜிஸ்னு அளித்துள்ள பேட்டியில் இதனை உறுதிப்படுத்தியுள்ளார். விஷு மற்றும் மீனாட்சி இருவருமே செல்ஃபி எடுப்பதில் மிகுந்த ஆர்வம் காட்டுபவர்கள் என்றும், மரணமடைவதற்கு சற்று நேரத்துக்கு முன்பாக, அதே தேசிய பூங்காவில் வேறு இடங்களில் எடுத்த செல்பியை சமூகவளைதளங்களில் இருவரும் பதிவிட்டுள்ளதாக ஜிஸ்னு தெரிவித்துள்ளார்.

குறிப்பாக மீனாட்சி செல்ஃபி எடுப்பதில் தீராத மோகம் கொண்டவர் என்றும் இதுதொடர்பாக பலமுறை அவரை தாம் எச்சரித்ததாகவும் ஜிஸ்னு கூறியுள்ளார். அந்த மலை உச்சியில் இருந்து தவறி விழுந்து உயிரிழக்கும் முன்பாக அதே பகுதியில் வேறு சில ஆபத்தான இடங்களில் மற்றவர்களுடன் இணைந்து மீனாட்சி செல்ஃபி எடுத்துள்ளார். சமூகவலைதளங்களில் வெளியாகியுள்ள அந்த புகைப்படங்கள் இதனை உறுதிபடுத்தியுள்ளன. 

இதனால் செல்ஃபி மோகத்தால் மீனாட்சியும், அவரது கணவர் விஷுவும் உயிரிழந்திருக்கலாம் என அமெரிக்க போலீஸார் கருதுவதாக அந்நாட்டு ஊடகங்கள் தெரிவிக்கின்றன. இதுபோலவே, அந்த ஆபத்தான பகுதியில் இருந்து இதுவரை 10க்கும் மேற்பட்டோர் தவறி விழுந்து உயிரிழந்துள்ளதாகவும், இவர்களில் பலர் செல்பி எடுக்க முயன்றபோது மரணமடைந்ததாகவும் தேசிய பூங்கா நிர்வாகம் தரப்பில் தெரிவிக்கப்பட்டுள்ளது.

வாக்களிக்கலாம் வாங்க

காற்றின் மொழி உங்கள் ஸ்டார் ரேட்டிங் என்ன?

போட்டோ கேலரி

Therkil Irunthu Oru Suriyan - Kindle Edition


[X] Close