[X] Close

தாஜ்மஹால் மண்ணில் புதைந்தால் ஏற்றுக்கொள்வோமா?- வைரமுத்து கண்ணீர்


vairamuthu-on-karunanidhi

  • பாரதி ஆனந்த்
  • Posted: 08 Aug, 2018 09:01 am
  • அ+ அ-

மறைந்த முன்னாள் முதல்வரும் திமுக தலைவருமான கருணாநிதியின் உடலுக்கு நேரில் அஞ்சலி செலுத்திய கவிஞர் வைரமுத்து "தாஜ்மஹால் வயதான கட்டிடம் என்பதால் அது மண்ணில் புதைந்தால் எப்படி ஏற்றுக்கொள்ள முடியாதோ அப்படித்தான் கருணாநிதி வயதானவர் என்பதால் அவரது மரணத்தை ஏற்றுக்கொள்ள முடியாது.

கருணாநிதி ஓர் எழுத்தாளராகவும், போராளியாகவும், கவிஞராகவும், அரசியல்வாதியாகவும் வாழ்ந்திருக்கிறார். தமிழகத்தின் புரட்சிகர தலைவர் மறைந்துவிட்டார்.

பெரியாரின் மறைவை எப்படி ஏற்றுக்கொள்ள முடியாதோ அப்படித்தான் கருணாநிதியின் மரணமும். அவரது மரணம் தமிழ் இளைஞர்களின் நெஞ்சத்தில் எழுதப்பட வேண்டும். அவர் ஓர் இசைக் குடும்பத்தில் பிறந்திருந்தாலும் முத்தமிழுக்கும் வேந்தராக இருந்தார். 

மின்சாரம் இல்லாத ஊரில் பிறந்தார். ஆனால், ஏழை விவசாயிகளுக்கு அவர்தான் இலவச மின்சாரம் வழங்கினார். அவர் முறையான கல்வி கற்கவில்லை. ஆனால், இலவச கல்வி வழங்கினார். பல்கலைக்கழகங்கள் கட்டினார்.
பெரியார் ஆட்சிப் பொறுப்பை மறுத்திருந்தார். காலம் அண்ணாவுக்கு ஆயுளை மறுத்திருந்தது. ஆனால் இந்த இரண்டையும் ஒருங்கே பெற்று இத்தனை ஆண்டுகள் கலைஞர் இயங்கினார்.

தமிழ் மொழி வாழும்வரை கருணாநிதி வாழ்வார்" இவ்வாறு அவர் கூறினார்.

போட்டோ கேலரி

Hindu Tamil Thisai - Kindle Edition


[X] Close