[X] Close

மீண்டும் வந்துவிட்டது கொடைக்கானல் வோன்ட்: சுற்றுச்சூழல் இனவாதத்தை விளாசும் பாடல் 


sofia-ashraf-tm-krishna-feature-in-kodaikanal-still-wont-video

  • பாரதி ஆனந்த்
  • Posted: 04 Jul, 2018 10:26 am
  • அ+ அ-

கொடைக்கானல் வோன்ட் என்ற ரேப் இசைப் பாடலின் 2-ம் பகுதி வெளியாகியிருக்கிறது. இம்முறை சோபியா அஷ்ரபுடன் பிரபல பாடகர் டி.எம்.கிருஷ்ணாவும் இணைந்துள்ளார்.

முதல் பாடல், யுனிலீவர் நிறுவனம் பாதரசக் கழிவுகளை அகற்ற வேண்டும் என வலியுறுத்தியது. அதன் நீட்சியாக யுனிலீவர் நிறுவனமும் பாதரசக் கழிவுகளை அகற்ற ஒப்புக்கொண்டது. ஆனால், யுனிலீவர் மேற்கொண்ட சுத்தம் செய்யும் பணி மேம்போக்கானது என்றும் ஐரோப்பிய நாடுகளில் இப்படியான ரசாயனக் கழிவுகளை சுத்தம் செய்யும்போது யுனிலீவர் எத்தகைய நடைமுறைகளைப் பின்பற்றுகிறதோ அதையே இந்தியாவிலும் பின்பற்ற வேண்டுமென வலியுறுத்தி இந்த இரண்டாம் பாகம் Kodaikanal Still Won't வெளியிடப்பட்டுள்ளது.

உயிர் பறிக்கும் மெர்குரி!
1983-ம் ஆண்டு கொடைக்கானலில் 'பாண்ட்ஸ் இந்தியா' (பின்னாளில் அது ஹிந்துஸ்தான் லீவர் நிறுவனத்துடன் இணைந்தது) நிறுவனத்தால் தொடங்கப்பட்ட தெர்மாமீட்டர் உற்பத்தி நிறுவனத்தில், அதிக அளவு பாதரசம் பயன்படுத்தப்பட்டது. முறையான பாதுகாப்புடன் அது கையாளப்படாததால், கடந்த 30 ஆண்டுகளாக அங்கிருக்கும் மக்களை பாதரசக் கழிவுகள் உருக்குலைத்துவருகிறது.

இப்படி வெளியான பாதரசம், அங்குள்ள மக்களுக்கு இரண்டு வகைகளில் தீங்கிழைத்துவருகிறது. மேற்கண்ட நிறுவனத்தில் பணியாற்றியவர்கள் நேரடியாகப் பாதிக்கப்பட்டனர், அவர்களுடைய குடும்பத்தினர் மறைமுகமாகப் பாதிக்கப்பட்டனர்.
கொடைக்கானலில் இன்றைக்கு 25 கிராமங்கள் பாதிக்கப்பட்டுள்ளன. அந்தக் கிராமங்களில் உள்ள முன்னாள் பாதரசப் பணியாளர்களின் குடும்பங்களில் 120 பெண்களுக்கு மகப்பேறு தொடர்பான பிரச்சினைகள் உள்ளன. சுமார் 60 குடும்பங்கள் குழந்தை இல்லாமல் இருக்கின்றன.

இந்நிலையில், இந்தப் பிரச்சினையெல்லாம் எடுத்துக் கூறி நியாயம் கேட்கும் வகையில் 'கொடைக்கானல் வோன்ட்' என்ற ராப் இசைப் பாடல் உருவாக்கப்பட்டது. இந்த வீடியோ, சமூக வலைத்தளங்களில் அதிகம் பகிரப்பட்டு வைரலானது.
இதனையடுத்து, கொடைக்கானலில் உள்ள தெர்மாமீட்டர் ஆலையில் இருந்து பாதரச கழிவை அப்புறப்படுத்த யூனிலீவர் நிறுவனம் ஒப்புதல் தெரிவித்தது.

சுற்றுச்சூழல் இனவாதம்..
இரண்டாவது பாகத்தில் சுற்றுச்சூழல் இனவாதம் என்ற புதிய பதம் பயன்படுத்தப்பட்டுள்ளது. இந்த புதிய பாடல் ஆரம்பமாகும்போது சில வார்த்தைகள் திரையில் ஓடுகின்றன. 

"இந்த ஆலையில் இருந்து உயிரைப் பறிக்கு பாதரசக் கழிவுகள் அருகிலுள்ள வனத்தில் கசிந்துவருகிரது. ஆனால், யுனிலீவர் நிறுவனம் ஐரோப்பிய நாடுகளில் எந்த நடைமுறையில் இத்தகையக் கழிவுகளை அகற்றுகிறதோ அதை நடைமுறையை இந்தியாவில் பின்பற்றவில்லை. இதுதான் சுற்றுச்சூழல் இனவாதம்" இதுதான் திரையில் தோன்றும் அந்த வாக்கியத்தின் அர்த்தம். அதன் பின் விரியும் பாடல் முழுவதும் சுற்றுச்சூழல் இனவாதத்தை கொடைக்கானல் பொறுத்துக்கொள்ளாது. சர்வதேச தரத்தில் தூய்மைப் பணியை மேற்கொள்ளவும் என வலியுறுத்தப்படுகிறது.

சாயில் வாஷிங் (Soil Washing), க்ரீன் வாஷிங் (Green Washing) போன்ற யுனிலீவர் மேற்கொண்ட தூய்மை நடவடிக்கைகள் போதாது என இந்தப் பாடல் சாடுகிறது.

Clean-up right, Clean the site,
Treat us like, we were 'white'! (sarcasam)

சரியான முறையில் தூய்மை செய்யுங்கள்; எங்களை வெள்ளையர்களுக்கு நிகராக நடத்துங்கள் என்ற வரிகள் சுற்றுச்சூழல் இனவாதத்தை மிகத் தெளிவாக விளக்குகிறது.

Therkil Irunthu Oru Suriyan - Kindle Edition


[X] Close