[X] Close

பேருந்து பெயர்ப்பலகையில் இந்தி: நல்லது செய்வதாக நினைத்து சஸ்பெண்ட் ஆன நடத்துனர்


bus-conductor-suspended-for-dropping-tamil-from-route-board

  • பாரதி ஆனந்த்
  • Posted: 19 Jun, 2018 10:31 am
  • அ+ அ-

சில நேரங்களில் சிலர் புலம்புவதுண்டு "நான் பிள்ளையார் பிடிக்க அது குரங்காகப்போனது.." என்று. அதாவது, எதாவது நல்லது செய்தால்கூட அதன் விளைவுகள் எதிர்மறையாக இருப்பதையே அப்படி குறிப்பிடுவது வழக்கம்.

இந்தப் பாடத்தைத்தான் நேற்று திங்கள்கிழமை ஈரோட்டைச் சேர்ந்த நடத்துனருக்கு வாழ்க்கை கற்றுக்கொடுத்திருக்கிறது.
ஈரோடு அரசுப் பேருந்து நடத்துனர் ஒருவர் அவர் செல்லும் வழித்தடத்தில் வடமாநிலத் தொழிலாளர்கள் அதிகமாகப் பயணிப்பதால் அவர்களுக்கும் புரிய வேண்டுமே என இந்தியில் பெயர்ப்பலகை வைத்திருக்கிறார். ஆனால், அப்படி அனுமதி இன்றி செய்ததற்காக தற்போது சஸ்பெண்ட் செய்யப்பட்டிருக்கிறார்.

ஈரோடு மாவட்டம் கவுந்தப்பாடி பஸ் டெப்போவைச் சேர்ந்தவர் கே.ஸ்ரீநிவாசன். இவர் கவுந்தப்பாடி - பெருந்துறை சிப்காட் இடையேயான பேருந்தில் நடத்துனராக இருக்கிறார். இவர் அண்மையில் பேருந்தின் பெயர்ப் பலகையை மாற்றியிருக்கிறார். அதில் பெருந்துறை மார்க்கெட் என்பது ஆங்கிலத்திலும் இந்தியிலும் மட்டும் எழுதப்படிருந்தது. தமிழில் இருந்த பெயரை அகற்றிவிட்டு அவர் இந்தியில் எழுதியிருக்கிறார். தான் செல்லும் வழித்தடத்தில் வடமாநில தொழிலாளர்கள் அதிகம் பயணிப்பதால் அவ்வாறு செய்ததாக அவர் விளக்கமளித்திருக்கிறார்.

ஆனால், தமிழ்நாடு மாநில போக்குவரத்துக் கழகம் ஈரோடு பிரிவின் பொது மேலாளர் கே.சேனாபதி சம்பந்தப்பட்ட நடத்துனர் சஸ்பெண்ட் செய்ததுடன் கவுந்தப்பாடி பேருந்து நிலைய கிளை மேலாளர் மற்றும் பொறுப்பாளருக்கு விளக்கம் கோரி நோட்டீஸும் அனுப்பியுள்ளார்.

நடத்துனர் ஸ்ரீநிவாசன் நல்லெண்ண அடிப்படையில் பெயர்ப்பலகையில் இந்தியில் எழுதியிருந்தாலும்கூட மாநில போக்குவரத்துக் கழகம் தரும் பெயர்ப்பலகையைத் தவிர வேறு பலகையைப் பயன்படுத்தக்கூடாது என்பது விதிமுறை.

போட்டோ கேலரி

Therkil Irunthu Oru Suriyan - Kindle Edition


[X] Close