[X] Close

தமிழக அரசியல் களத்தில் டாப்–30 கோடீஸ்வர வேட்பாளர்கள்


30

  • kamadenu
  • Posted: 14 Apr, 2019 20:45 pm
  • அ+ அ-

17 வது நாடாளுமன்ற தேர்தலில் போட்டியிடும் வேட்பாளர்களில் உச்சபட்ச சொத்து வைத்துள்ள டாப் 30 வேட்பாளர்கள் குறித்த தகவல் வெளியாகி உள்ளது.

 

தமிழக தேர்தல் களத்தில் போட்டியிடும் வேட்பாளர்களில் மெகா கோடீஸ்வர வேட்பாளர்கள் பலர் உள்ளனர். முதல் 30 இடங்களில் உள்ள கோடீஸ்வர வேட்பாளர்கள் என்கிற தகவல் கீழே.

 

இதில் உள்ள தகவலை வைத்து அவர்கள் சொத்து மதிப்பு குறித்து கேள்வி எழுப்ப வேண்டாம். இந்த தொகை அவர்கள் வேட்புமனு தாக்கலின்போது அளித்த சொத்துவிபரங்கள் ஆகும். வேட்புமனு தாக்கலில் அளிக்கப்படும் விபரங்களை தேர்தல் அதிகாரிகள் சரியாக ஆய்வு செய்கிறார்களா என்பது கேள்விக்குறியாகி வருகிறது.

 

சமீபத்தில் பெரம்பூரில் போட்டியிட வேட்புமனுத்தாக்கல் செய்த நெல்லை ஜெபமணியின் மகன் தனக்கு ரூ. 1 லட்சத்து 76000 கோடி ரூபாய் சொத்து இருப்பதாக தாக்கல் செய்து வேட்புமனு ஏற்கப்பட்ட அதிசயமும் நடந்தது. தான் வேண்டுமென்றே தவறான தகவலை அளித்ததாக அவர் பேட்டியும் அளித்தார்.

 

ஆனாலும் வேட்பு மனுத்தாக்கல் அடிப்படையில் எம்.இ.ஆர் எனும் தனியார் அமைப்பு தொகுத்துள்ள பட்டியல்.

 

டாப்-30 அதிக சொத்துள்ள வேட்பாளர் பெயரும் சொத்து மதிப்பும்  

 

1. வசந்த குமார் (காங்கிரஸ்) கன்னியாகுமரி தொகுதி – ரூ. 417.48 கோடி

 

2. இசக்கி சுப்பையா (அமமுக) தென்சென்னை தொகுதி - ரூ.237.56 கோடி

 

3. சி.மகேந்திரன் (அதிமுக) பொள்ளாச்சி தொகுதி – ரூ.172.32 கோடி

 

4. ஆர். மகேந்திரன் (மக்கள் நீதி மய்யம்) – கோவை தொகுதி – ரூ.131.48 கோடி

 

5. ஏ.சி.சண்முகம் (அதிமுக கூட்டணி) – வேலூர் தொகுதி - ரூ.125.83 கோடி

 

6. ஜெகத்ரட்சகன் (திமுக) அரக்கோணம் தொகுதி - ரூ.114.69 கோடி

 

7. பாரிவேந்தர் ( ஐஜேகே) – பெரம்பலூர் தொகுதி - ரூ. 97.26 கோடி

 

8. சாருபாலா தொண்டைமான் (அமமுக) – திருச்சி தொகுதி- ரூ. 92.37 கோடி

 

9. கார்த்தி சிதம்பரம் (காங்கிரஸ்) சிவகங்கை தொகுதி - ரூ.79.34 கோடி

 

10. எல்.கே.சுதீஷ் (தேமுதிக) கள்ளக்குறிச்சி தொகுதி - ரூ.68.57 கோடி

 

11. சி.பி.ராதாகிருஷ்ணன் – (பாஜக) கோவை தொகுதி – 67.09 கோடி

 

12. பி.முருகேசன் (அமமுக) – தஞ்சாவூர் தொகுதி - ரூ.64.96 கோடி

 

13. டி.எம். கதிர் ஆனந்த் (திமுக) வேலூர் தொகுதி - ரூ.57.22 கோடி

 

14. ஞானசேகர் (அமமுக) திருவண்ணாமலை தொகுதி - ரூ. 51 கோடி

 

15. சின்னராஜ் ( கொ.ம.தே.க) – பொள்ளாச்சி தொகுதி - ரூ.48.34 கோடி

 

16. கௌதம சிகாமணி (திமுக) கள்ளக்குறிச்சி தொகுதி - ரூ.47.09 கோடி

 

17. டி.ஆர்.வி.எஸ்.ரமேஷ் (திமுக) கடலூர் தொகுதி - ரூ.42.32 கோடி

 

18. வி.ஆர். கலாநிதி (திமுக) வடசென்னை - ரூ..32 கோடி

 

19. வைத்தியலிங்கம் (பாமக) ஸ்ரீபெரும்பலூர் - ரூ.37.31 கோடி

 

20. நவாஸ்கனி (முஸ்லீம் லீக்) ராமநாதபுரம் தொகுதி - ரூ.36-46 கோடி

 

21, அன்புமணி ராமதாஸ் (பாமக) தர்மபுரி தொகுதி- ரூ. 33.84 கோடி

 

22. கனிமொழி (திமுக) தூத்துக்குடி தொகுதி - ரூ.30.33 கோடி

 

23. சாம் பால் (பாமக) மத்திய சென்னை தொகுதி - ரூ.30.18 கோடி

 

24. என்.ஆர்.அப்பாதுரை (அமமுக) கோவை தொகுதி - ரூ. 29.59 கோடி

 

25. கிருஷ்ணசாமி (புதிய தமிழகம்) தென்காசி தொகுதி - ரூ.25. 45 கோடி

 

26. ஆர்.கோவிந்தசாமி (பாமக) கடலூர் தொகுதி - ரூ.25.45 கோடி

 

27. வி.பாண்டி (அமமுக) சிவகங்கை தொகுதி – 23.92 கோடி

 

28. பி.தம்பிதுரை (அதிமுக)  கரூர் தொகுதி – ரூ. 23.41 கோடி

 

29. ஞானதிரவியம் (திமுக) நெல்லை தொகுதி - ரூ. 23.26 கோடி

 

30. டி.ஆர்.பாலு (திமுக) – ஸ்ரீபெரும்புதூர் தொகுதி – ரூ. 20.42 கோடி

 

மேற்கண்ட டாப் 30 கோடீஸ்வர வேட்பாளர்கள் தவிர கோடீஸ்வர வேட்பாளர்கள் எண்ணிக்கை நூற்றுக்கணக்கில் உள்ளது. டாப் 30 கோடீஸ்வர வேட்பாளர்கள் ரூ.20 கோடிவரை மட்டுமே கணக்கில் எடுக்கப்பட்டுள்ளது.

 

டாப் 30 கோடீஸ்வர வேட்பாளர்களில் திமுக வேட்பாளர்கள் 8 பேரும், அதிமுக வேட்பாளர்கள் 2 பேரும், காங்கிரஸ் வேட்பாளர்கள் 2 பேரும், மக்கள் நீதி மய்யம் வேட்பாளர் ஒருவரும், அமமுக வேட்பாளர்கள் 6 பேரும், பாமக வேட்பாளர்கள் 4 பேரும், திமுக கூட்டணி வேட்பாளர்கள் 4 பேரும் அதிமுக கூட்டணி வேட்பாளர்கள் 3 பேரும் உள்ளனர். இதில் ஒருவர்கூட இடதுசாரி கட்சி வேட்பாளர்களோ, நாம் தமிழர் கட்சி வேட்பாளர்களோ இல்லை என்பது குறிப்பிடத்தக்கது.

போட்டோ கேலரி

Hindu Tamil Thisai - Kindle Edition


[X] Close