[X] Close

கடற்கரை - ராயபுரம் இடையே ரயில் சேவை மாற்றம்: 21-ம் தேதி வரை மாற்றப்படுவதாக தெற்கு ரயில்வே அறிவிப்பு


train-service-between-beach-and-royapuram

  • kamadenu
  • Posted: 17 Mar, 2019 12:15 pm
  • அ+ அ-

சென்னை கடற்கரை ராயபுரம் இடையே பராமரிப்புப் பணிகள் நடைபெறுவதால் மின்சார ரயில்கள் போக்குவரத்தில் இன்றுமுதல் வரும் 21-ம் தேதி வரை மாற்றம் செய்யப்பட்டுள்ளன என்று தெற்கு ரயில்வே அறிவித்துள்ளது.

இதுகுறித்து தெற்கு ரயில்வே நேற்று வெளியிட்ட செய்தி:

சென்னை கடற்கரை ராயபுரம் இடையே பராமரிப்புப் பணிகள் நடைபெறுவதால் மின்சார ரயில்கள் போக்குவரத்தில் மாற்றம் செய்யப்பட்டுள்ளன. மார்ச் 17-ம் தேதி முதல் 20-ம் தேதி வரை இரவு 9.40 மணிக்கு புறப்படும் சென்னை கடற்கரை வேளச்சேரி மின்சார ரயில், இரவு 10.30 மணிக்கு செல்லும் வேளச்சேரி ஆவடி ரயில், இரவு 10.50 மணிக்கு செல்லும் வேளச்சேரி சென்னை கடற்கரை ரயில், இரவு 11.10 மணிக்கு புறப்படும் வேளச்சேரி சென்னை கடற்கரை ரயில், இரவு 8.28 மணிக்குப் புறப்படும் சென்னை கடற்கரை தாம்பரம் மின்சார ரயில், இரவு 8.44 மணிக்குப் புறப்படும் சென்னை கடற்கரை தாம்பரம் ரயில், இரவு 9.30 மணிக்கு செல்லும் சென்னை கடற்கரை தாம்பரம் ஆகிய மின்சார ரயில்கள் முழுவதுமாக ரத்து செய்யப்படுகின்றன.

மேற்கண்ட தேதிகளில் இரவு 9.10 மணிக்கு செங்கல்பட்டு சென்னை கடற்கரை ரயில் சென்னை பூங்கா ரயில் நிலையம் வரை மட்டுமே செல்லும். அதுபோல இரவு 10.25 மணிக்குப் புறப்படும் தாம்பரம் சென்னை கடற்கரை ரயில், சென்னை பூங்கா வரை இயக்கப்படும். இரவு 10.45 மணிக்கு செல்லும் தாம்பரம் - கடற்கரை ரயில் பூங்கா வரை இயக்கப்படும். இரவு 10.15 மணிக்கு செல்லும் செங்கல்பட்டு கடற்கரை ரயில் பூங்கா வரை இயக்கப்படும். இரவு 11.30 மணிக்கு செல்லும் தாம்பரம் கடற்கரை ரயில் பூங்கா வரை இயக்கப்படும். இரவு 11.10 மணிக்கு புறப்படும் செங்கல்பட்டு கடற்கரை ரயில் பூங்கா வரை செல்லும்.

இரவு 8.20 மணிக்கு புறப்படும் கும்மிடிப்பூண்டி வேளச்சேரி ரயில் கடற்கரையில் நிறுத்தப்படும். இரவு 8.35 மணிக்குப் புறப்படும் பட்டாபிராம் மிலிட்டரி சைடிங் ரயில் நிலையம் வேளச்சேரி ரயில் கடற்கரையில் நிறுத்தப்படும். பகல் 4.10 மணிக்கு ஆவடி வேளச்சேரி ரயில் 17-ம் தேதியில் இருந்து 21-ம் தேதி வரை கடற்கரையில் இருந்து வேளச்சேரி வரை இயக்கப்படும்.

இன்று முதல் வரும் 20-ம் தேதி வரை இரவு 9.40 மணிக்கு கும்மிடிப்பூண்டி கடற்கரை ரயில், வண்ணாரப்பேட்டை கடற்கரை இடையே ரத்து செய்யப்பட்டு, மூர்மார்க்கெட் ரயில் (சென்ட்ரல்) நிலையம் வரை இயக்கப்படும். இரவு 11.05 மணிக்கு கடற்கரை தாம்பரம் ரயில், கடற்கரையில் இருந்து புறப்படுவதற்கு பதிலாக பூங்கா ரயில் நிலையத்தில் இருந்து புறப்படும். இரவு 11.30 மணிக்கு கடற்கரை தாம்பரம் ரயில், பூங்கா ரயில் நிலையத்தில் இருந்து புறப்பட்டுச் செல்லும். இரவு 11.59 மணிக்கு கடற்கரை தாம்பரம் செல்லும் ரயில், பூங்கா ரயில் நிலையத்தில் இருந்து இன்றுமுதல் 21-ம் தேதி வரை இயக்கப்படும். பகல் 1.20 மணிக்கு புறப்படும் கடற்கரை அரக்கோணம் ரயில், கடற்கரையில் இருந்து இயக்கப்படுவதற்கு பதி லாக வரும் 21-ம் தேதி வரை சென்ட்ரலிலிருந்து இயக்கப்படும்.

இன்றுமுதல் 21-ம் தேதி வரை இரவு 10.45 மணி, நள்ளிரவு 12.20 மணி, 12.45 மணிக்கு சிறப்பு மின்சார ரயில்கள் பூங்காவில் இருந்து தாம்பரத்துக்கு இயக்கப்படும்.

போட்டோ கேலரி

Hindu Tamil Thisai - Kindle Edition


[X] Close