[X] Close

ஆனைகட்டியில் காரை அடித்து நொறுக்கிய யானை நூலிழையில் உயிர் தப்பிய நபர்


elephant-damage

  • kamadenu
  • Posted: 14 Feb, 2019 11:33 am
  • அ+ அ-

ஆனைகட்டி-கோவை சாலையில் நின்றுகொண்டிருந்த காரை, ஒற்றை யானை தாக்கியதில் கார் பலத்த சேதமடைந்தது. அதில் பயணித்த நபர் நூலிழையில் உயிர் தப்பினார்.

கோவை அன்னூர் சாலை, சக்தி சாய் நகரைச் சேர்ந்தவர் ஜி.செல்வராஜ். இவர் பாலக்காடு மாவட்டம் மன்னார்காட்டிலிருந்து நேற்றுமுன்தினம் இரவு ஆனைகட்டி வழியாக கோவை நோக்கி காரில் வந்துள்ளார். தூமனூர் பிரிவு அருகே இரவு 9.15 மணியளவில், சாலையோர புதரில் இருந்து ஏதோ சப்தம் கேட்கவே காரை நிறுத்தியுள்ளார். அப்போது, புதருக்குள் இருந்து வெளியே வந்த ஒற்றை யானை கார் அருகே நின்றுள்ளது. யானையை பார்த்த செல்வராஜ், முகப்பு விளக்குகளை எரியவிட்டபடி காருக்குள்ளேயே அமர்ந்துகொண்டார். பின்னர், காரின் முகப்பு பகுதி மற்றும் கண்ணாடியை நொறுக்கிய யானை, சாலையை கடந்து சென்றுள்ளது. இந்த தாக்குதலால் காரின் முன்பகுதி பலத்த சேதம் அடைந்தது. யானை கடந்தவுடன், காரைவிட்டு வெளியேறிய செல்வராஜ், அவ்வழியாக வந்த ஒரு வேனில் ஏறி கோவை வந்து, இங்கிருந்து பேருந்து மூலம் வீட்டுக்கு சென்றுள்ளார்.

இது தொடர்பாக மாவட்ட வன அலுவலர் டி.வெங்கடேஷ் கூறும்போது, “யானையால் தாக்கப்பட்ட கார் சம்பவ இடத்திலேயே நேற்று இருந்தது. முதலில் எவ்வாறு கார் சேதமடைந்தது என யாருக்கும் புலப்படவில்லை. பின்னர், இன்று (நேற்று) காலை செல்வராஜின் மகன் வனத்துறையை தொடர்புகொண்டு, காரை அப்புறப் படுத்துவதற்கான நடைமுறைகளை கேட்டபோதுதான் யானை தாக்கியது தெரியவந்தது. ஆனால், சிலர் கார் மோதி யானை காயமடைந்ததாகவும், காயமைடைந்த யானையை வனத்துறையினர் தேடி வருவதாகவும் சமூக வலைதளங் களில் தவறான தகவலை பரப்பிவிட்டனர்” என்றார்.

போட்டோ கேலரி

Hindu Tamil Thisai - Kindle Edition


[X] Close