[X] Close

கூடங்குளம் அணுமின் நிலையத்துக்கு நிலம் தந்தவர்களுக்கு வேலை: உயர் நீதிமன்றம் உத்தரவு


koodankulam-nuclear-power-station

கூடங்குளம் அணுமின் நிலையம் | கோப்புப் படம்.

  • kamadenu
  • Posted: 14 Feb, 2019 09:34 am
  • அ+ அ-

கூடங்குளம் அணுமின் நிலையம் அமைய நிலம் வழங்கிய குடும்பங்களில் தலா ஒருவருக்கு அணுமின் நிலைய சி, டி பிரிவில் வேலைவாய்ப்பு வழங்க உயர் நீதிமன்றம் உத்தரவிட்டுள்ளது.

திருநெல்வேலி மாவட்டம் ராதாபுரம் தொகுதி முன்னாள் திமுக எம்எல்ஏ அப்பாவு உயர் நீதிமன்ற கிளையில் தாக்கல் செய்த மனு: கூடங்குளத்தில் அணுமின் நிலையம் அமைய நிலம் வழங்கியவர்களுக்கு அணுமின் நிலையத்தில் கல்வி தகுதியின் அடிப்படையில் சி மற்றும் டி பிரிவு வேலைகளில் முன்னுரிமை வழங்க 12.2.1999-ல் ஆட்சியர் தலைமையில் நடந்த பேச்சுவார்த்தையில் முடிவானது.

இந்நிலையில், அணுமின் நிலையத்தில் சி மற்றும் டி பிரிவு ஊழியர்தேர்வு தொடர்பாக கடந்த ஏப்.18-ல் அறிவிப்பாணை வெளியானது. அதில், நிலம் அளித்தவர்களுக்கு முன்னுரிமை அளிப்பது தொடர்பாக எதுவும் குறிப்பிடப்படவில்லை. எனவே, அறிவிப்பாணையை ரத்து செய்து, நிலம் வழங்கியவர்களுக்கு வேலையில் முன்னுரிமை வழங்க உத்தரவிட வேண்டும் என கோரியிருந்தார்.

இந்த மனு, கடந்த ஆண்டு ஜூலையில் விசாரணைக்குப்பின்வந்த அறிவிப்பாணையை செயல்படுத்த உயர் நீதிமன்ற அமர்வு தடைஆணை பிறப்பித்திருந்தது.

இந்நிலையில், வழக்கு நீதிபதிகள் என்.கிருபாகரன், எஸ்.எஸ்.சுந்தர் அமர்வில் நேற்று விசாரணைக்கு வந்தபோது, அணுமின் நிலையம் சார்பில் ஆஜரான வழக்கறிஞர், 3 மற்றும் 4-வது அணுஉலைகள் அமைப்பதற்கான பணிகள் தொடங்கியுள்ளதால் சி மற்றும் டி பிரிவில் பணியாளர்கள் தேவைப்படுகின்றனர். இதனால் சி, டி பணியாளர்கள் நியமனத்துக்கு விதிக்கப்பட்ட தடையை நீக்க கோரினார்.

இதனை ஏற்க மறுத்த நீதிபதிகள், "இடம் அளித்தவர்களுக்கு வேலைக்கு முன்னுரிமை அளிக்க வேண்டும். நிலம் வழங்கியதற்கான சான்றிதழ், கல்விச் சான்றுகளுடன் சம்பந்தப்பட்ட குடும்பங்களைச் சேர்ந்தவர்கள் பிப்.28-க்குள் அணுமின் நிலையத்தில் விண்ணப்பிக்க வேண்டும். இந்த விண்ணப்பங்களை பரிசீலித்து, எத்தனை பேர் விண்ணப்பித்தனர், எத்தனை பேர் தகுதியுடையவர்கள், நிராகரிக்கப்பட்டவை எத்தனை? ஏன்? என்பது தொடர்பாக 4 வாரத்தில் அறிக்கை தாக்கல் செய்ய வேண்டும்" என உத்தரவிட்டனர்.

வாக்களிக்கலாம் வாங்க

'தேவ்' உங்கள் ஸ்டார் ரேட்டிங் என்ன?

போட்டோ கேலரி

Therkil Irunthu Oru Suriyan - Kindle Edition


[X] Close