[X] Close

ஒரு நிமிடக் கதை: காவிரி ஓடிக்கொண்டுதான் இருக்கிறது..


one-minute-story

  • kamadenu
  • Posted: 10 Apr, 2018 18:37 pm
  • அ+ அ-

சத்தமாக வைக்கப்பட்ட தொலைக்காட்சியின் முன் அமர்ந்து மறியல் போராட்டத்தைப் பார்த்துக்கொண்டிருந்தாள் பார்வதி.

"என்ன ஐபிஎல்தானே..” என்று கேட்டபடி , ரிமோட்டைப்பிடுங்கி "படக்" என்று தொலைக்காட்சியை நிறுத்தினார்.

 

"தண்ணீருக்கு போறாடறாங்க , விளையாட்டு இப்ப கேக்குதா?"

அய்யப்பனுக்கு வேண்டுதல் போல் கறுப்பு வேட்டி , கறுப்புச்சட்டை. அவர் கைகளில் கறுப்புப்புடவை.

"இந்தா, இத கட்டிக்கிட்டு வாக் போகலாம் புறப்படு"

மனைவி நடக்க , சகாக்களுடன் மரத்தின் நிழலில் அமர்ந்தார் .

"ஏதோ என்னால் முடிந்த போராட்ட பங்களிப்பு. விவசாயின்னா, விளையாட்டா? நல்லாத்தான் கேக்குறாங்க.. பாழான நிலத்தைப்பார்த்தா ரத்தக்கண்ணீர் வருது சார், தமிழன்னா இளிச்சவாயன்னு நினைக்கிறாங்க. தண்ணீர் தர மறுக்குறாங்க பாரு அவங்களைத் தட்டிக்கேட்க ஆள் இல்லை , இது தண்ணீர் புரட்சி இல்ல கண்ணீர் புரட்சி , சில துளி தண்ணீருக்காக எப்புடி போராடறாங்க பாருங்க, ஹட்ஸ் ஆப்....வீட்டுல டிவி கூடப் பார்க்கவுடல நான். 
விவசாயிகளுக்குத்தெரியும் தண்ணீரோடு அருமை. ஒரு வாய் சோறு கிடைக்காமல் போனாதான் நமக்கும் தெரியும் தண்ணீரோட அருமை " பெருமையாக எல்லோரிடமும் சொல்லிக்கொண்டிருந்தார். அனைவரும் தலை ஆட்டிக் கேட்டுக்கொண்டிருந்தனர்.

மெட்ரோ வாட்டர் அலுவலகத்தில் ஆள் ஒருவரைப்பிடித்து, பணம் கொடுத்து, சில வருடங்களுக்கு முன் எல்லோர் வீட்டையும் விட மிகத் தாழ்வாக மெட்ரோ தண்ணீர் குழாய் அவர் போட்டுக்கொண்டிருந்தார். அதன் வழியாகத் தண்ணீர் தொட்டிய நிரம்பி காவிரியாக ஓடிக்கொண்டிருந்தது அவர் வீட்டின் பின் புறத்தில்.

வாக் கிளம்பும் முன் அணைக்க மறந்த தண்ணீர் மோட்டார் போராட்டமாக ஓடிக்கொண்டிருந்தது..

- லதா ரகுநாதன்

போட்டோ கேலரி

Therkil Irunthu Oru Suriyan - Kindle Edition


[X] Close