[X] Close

உலக தடகளத்தில் தங்கம்; வரலாறு படைத்தார் டூட்டி


  • kamadenu
  • Posted: 11 Jul, 2019 08:32 am
  • அ+ அ-

-,

இத்தாலியில் நடைபெற்று வரும் உலக யுனிவர்சியாட் தடகளப் போட்டியில் இந்திய வீராங்கனை டூட்டி சந்த் தங்கம் வென்றுவரலாற்றுச் சாதனைபடைத்துள்ளார்.

இத்தாலியின் நபோலி நகரில் இந்தப் போட்டிகள் நடைபெற்றுவருகின்றன. நேற்று நடைபெற்ற 100 மீட்டர்ஓட்டப்பந்தயத்தில் இந்திய இளம் வீராங்கனையான டூட்டி சந்த் 11.32 விநாடிகளில் தூரத்தைக் கடந்து தங்கத்தைக் கைப்பற்றினார்.

இதன்மூலம் சர்வதேச தடகளப் போட்டிகளில் 100 மீட்டர் ஓட்டப்பந்தயத்தில் தங்கப்பதக்கத்தை வென்ற முதல் இந்திய வீராங்கனை என்ற வரலாற்றுச் சாதனையை டூட்டி சந்த் படைத்துள்ளார்.

இந்தப் போட்டியில் சுவிட்சர்லாந்து வீராங்கனை டெல் போன்டே வெள்ளியும், ஜெர்மனி வீராங்கனை லிசா குவா யீ வெண்கலமும் வென்றனர். ஒடிசாவைச் சேர்ந்த டூட்டி சந்த் 11.24 விநாடிகளில் ஓடி தேசிய சாதனையைப் படைத்திருந்தார். 2015-ல் உலக யுனிவர்சியாட் தடகளப் போட்டியின் குண்டு எறிதல் பிரிவில் இந்திய வீரர் இந்தர்ஜித் சிங் தங்கம் வென்றிருந்தார். அதன்பிறகு தற்போது அதே விளையாட்டுப் போட்டியின் 100 மீட்டர் பிரிவில் டூட்டி சந்த் தங்கம் வென்றுள்ளார்.

ஒடிசாவிலுள்ள டாக்டர் அச்சுதா சமந்தா தலைமையிலான கலிங்கா இன்ஸ்டிடியூட் ஆஃப் இன்டஸ்டிரியல் டெக்னாலஜி(கேஐஐடி) கல்லூரியில் பயின்று வருகிறார் அவர். டூட்டிசந்துக்கு குடியரசுத் தலைவர் ராம்நாத் கோவிந்த், மத்திய விளையாட்டுத்துறை அமைச்சர் கிரண் ரிஜிஜு உள்ளிட்டோர் பாராட்டு தெரிவித்துள்ளனர்.

Advt:

போட்டோ கேலரி

Hindu Tamil Thisai - Kindle Edition


[X] Close