[X] Close

அகால ஆத்மாக்கள் அகம் குளிரும் மஹாளய அமாவாசை தர்ப்பணம்!


mahalaya-amavasai

  • வி.ராம்ஜி
  • Posted: 07 Oct, 2018 14:56 pm
  • அ+ அ-

  மரணங்களும் தவிர்க்க முடியாதவை. அகால மரணங்களும் மறக்க முடியாதவை. சிலருக்குக் கர்ப்பத்திலேயே கரு கலைந்திருக்கலாம். சிறு குழந்தையாக இருக்கும்போதே இறந்திருக்கலாம். சிலர், விபத்து போன்று அகால மரணம் அடைந்திருக்கலாம். அந்த ஆத்மாக்கள் அனைத்தும் திருப்தி அடையச் செய்வதற்கான சிறந்த நாளே மகாளய பட்ச அமாவாசை என்கிறது தர்ம சாஸ்திரம்.

ஆயு: புத்ரான் யச: ஸ்வர்கம்

கீர்த்திம் புஷ்டிம் பலம் ஸ்ரீஇயம்

பசூன் சுகம் தனம் தான்யம்

ப்ராப்னுயாத் பித்ரு பூஜனாத்

- என்றபடி, நம்மால் இயன்ற அளவு சிறந்த முறையில் சிரத்தையுடன் முன்னோர்களை வழிபட்டால், தீர்க்க ஆயுள், நல்ல குழந்தைகள், புகழ், மேன்மை, சொர்க்கம், ஆரோக்கியம், செல்வம், தனம், பசு, தானியம் முதலான அனைத்தும் நமக்குக் கிடைக்கும் என்பது நம் முன்னோர்கள் கண்ட உண்மை.

  இந்த மகாளய பட்சத்தில், அனைத்து நாட்களிலும் தர்ப்பணம் செய்வது விசேஷம். இயலாதவர்கள், மகாளய அமாவாசை அன்றாவது பக்தியுடனும் நம்பிக்கையுடனும் முன்னோர் கடனை அளிப்பது மிகுந்த பலனைத் தரும். நாளை 8ம் தேதி திங்கட்கிழமை, புரட்டாசி மஹாளய அமாவாசை.

  பொதுவாக, இந்தப் பதினைந்து நாட்களும் வீட்டில் வேறு சிறப்பு பூஜைகள் எதுவும் செய்யாமல், நம் முன்னோர்கள் குறித்துப் பேசுவதும், அவர்களின் பெயரில் ஏழை எளியவர் களுக்குத் தான- தர்மங்கள் செய்வதும் அளவற்ற பலன்களை அள்ளித் தரும்.

   ஸ்ரீராமபிரான், தன் தந்தைக்கான பித்ரு கடன்களை காட்டில் இருந்தபடியே செய்து நமக்கு வழிகாட்டியுள்ளார்.

ஸ்ரீராமர், ராவண வதம் செய்த பிறகு சிவபெருமானைக் குறித்து பூஜை செய்த ராமேஸ்வரம் எனும் க்ஷேத்திரத்தில், இந்த மகாளய பட்ச அமாவாசை நாளில், தர்ப்பணங்கள் போன்ற முன்னோர் கடன்களைச் செய்யுங்கள். இன்னும் சொல்லப்போனால், பவானி கூடுதுறை, கரூர் ஆற்றங்கரை, காவிரி அம்மா மண்டபம், நெல்லை தாமிரபரணிக் கரை, வல்லநாடு ஆற்றங்கரை, திருவையாறு ஆற்றங்கரை என நீர்நிலைப்பகுதிகளில் தர்ப்பணம் கொடுப்பது, இன்னும் பலம் தரும். வளம் சேர்க்கும்.

Therkil Irunthu Oru Suriyan - Kindle Edition


[X] Close