[X] Close

வந்தாள் மகாலக்ஷ்மியே..! 


vandhal-mahalakshmi

  • வி.ராம்ஜி
  • Posted: 24 Aug, 2018 06:17 am
  • அ+ அ-

இல்லத்தையும் உள்ளத்தையும் தூய்மையாக்கி, வாம்மா வாம்மா என்று மனதாரக் கூப்பிட்டு, வரலக்ஷ்மி பூஜை செய்யுங்கள். நம் வீட்டுக்கு வந்தே தீருவாள் மகாலக்ஷ்மி அன்னை!      
நம் தேசத்தை, பரத கண்டம் என்பார்கள். பாரத தேசம் என்று போற்றுவார்கள். எதனால் இந்தப் பெயர்... இந்த பரத கண்டம் முழுவதும் வியாபித்து அருளாட்சி செய்கிறாள் லக்ஷ்மிதேவி என்கிறது புராணம்.  எப்படி இது...
  இதுகுறித்து விளக்குகிற புராணக் கதை இது.
 கண்வ மகரிஷியின் வளர்ப்பு மகள் சகுந்தலை. ஒருநாள்... வனத்தில் உள்ள ஆஸ்ரமத்தில் பூப்பந்து விளையாடிக் கொண்டிருந்தாள். அப்போது, அங்கு வேட்டையாட வந்தான் துஷ்யந்தன் எனும் மன்னன். சகுந்தலையைக் கண்டான். காதல் கொண்டான். காந்தர்வத் திருமணம் நிகழ்ந்தது.
 ஒருமுறை, தன்னையே மறந்த சகுந்தலை, துஷ்யந்தனின் நினைவாகவே இருந்தாள். கோபத்துக்குப் பேர்பெற்ற துர்வாச முனிவர், ஆஸ்ரமத்துக்கு வந்தார். ஆனால் அவர் வந்ததை அறியாமல், துஷ்யந்த நினைப்பில் மூழ்கியிருந்ந்தாள் சகுந்தலை.
   எடுத்ததற்கெல்லாம் கோபப்படும் துர்வாசர், வந்தவனை வரவேற்கவில்லையே என்று இன்னும் ஆவேசம் கொண்டார். துஷ்யந்தன், அவளை மறந்து போகவேண்டும் என சாபமிட்டாள். கர்ப்பமான நிலையில் இருந்த சகுந்தலையை மறந்தேபோனான் துஷ்யந்தன்.  பிறகு, சகுந்தலைக்குக் குழந்தை பிறந்தது. அந்தக் குழந்தைக்கு பரதன் எனப் பெயரிட்டாள்.
 காட்டில், சிங்கக்குட்டிகளுடன் குட்டியாய் பயமின்றி ஓடியாடி விளையாடினான் பரதன். பிறகு, ஒருகட்டத்தில்... துர்வாசரின் சாபத்தில் இருந்து விமோசனம் பெற்றாள் சகுந்தலை. மகன் பரதனுடன் சென்று, துஷ்யந்தனுடன் செல்வ வாழ்வு வந்தாள்.
   ‘‘உன் மகன் பரதன், லக்ஷ்மியின் பேரருளைப் பெற்றவன். எதிர்காலத்தில் மாபெரும் சக்கரவர்த்தியாக, மாமன்னனாகத் திகழ்வான். இவனுடைய பெயரால், இந்த பூமி அழைக்கப்படும்‘‘ என அசரீரி கேட்டது.


 அதன்படி, நம் அன்னைபூமிக்கு, பரத கண்டம் எனப் பெயர் பின்னாளில் அமைந்தது. இந்தப் பரதக் கண்டம் முழுவதும் லக்ஷ்மி தேவியானவள், வாசம் செய்து, ஆட்சி செய்கிறாள் என்கிறார்கள் ஆச்சார்யப் பெருமக்கள்! 
இன்று வெள்ளிக்கிழமை. சுக்கிர வார நன்னாள். அம்பாளை ஆராதிக்கும் திருநாள். மகாலக்ஷ்மியை வரவேற்று பூஜைச் செய்து ஆராதியுங்கள். அஷ்டலக்ஷ்மிகளும் வருவார்கள். அருள் தருவார்கள். கஷ்டங்களெல்லாம் தீர்த்துவைப்பாள். 
 

போட்டோ கேலரி

Therkil Irunthu Oru Suriyan - Kindle Edition


[X] Close