[X] Close

ரேவதி நட்சத்திரம்: விகாரி வருட பலன்கள்


  • kamadenu
  • Posted: 13 Apr, 2019 13:09 pm
  • அ+ அ-

பெருங்குளம் ராமகிருஷ்ண ஜோஸ்யர்

தோல்வியை வெற்றிப் படிகளாக ஆக்கிக் கொண்டு வாழ்வில் உயர்ந்த நிலைக்கு வரும் திறமை உடைய ரேவதி நட்சத்திர அன்பர்களே.

இந்த வருடம் வீண் மனக்கவலை ஏற்படலாம். கனவுத் தொல்லைகள் உண்டாகும். பணவரவு திருப்தி தரும். நண்பர்கள் மூலம் உதவி கிடைக்கும். ஆடம்பரச் செலவுகள் ஏற்படும். கோபத்தை கட்டுப்படுத்துவது நன்மை தரும்.

தொழில் வியாபாரம் திருப்திகரமாக நடக்கும். எதிர்பார்த்த லாபம் வரும். வியாபார செலவுகள் அதிகரிக்கும். உத்தியோகத்தில் இருப்பவர்கள் கடுமையாக உழைக்க வேண்டி இருக்கும். அதனால் களைப்பு ஏற்படலாம்.

குடும்பத்தில் இருந்த குழப்பங்கள் நீங்கி, எல்லோரும் உங்களது வார்த்தைக்கு மதிப்பு தருவார்கள். ஆனால் எவரிடமும் நிதானமாகப் பேசுவது நல்லது. கணவன் மனைவிக்கிடையே சகஜநிலை நீடிக்கும்.  பிள்ளைகள் மூலம் மனமகிழ்ச்சி ஏற்படும்.

பெண்களுக்கு வீண் மனக்கவலை உண்டாகும். எதிர்பார்த்த உதவிகள் கிடைக்கும். செலவு கூடும்.

perunkulam photo.jpg 

கலைத்துறையினருக்கு நிலுவையில் உள்ள காரியங்கள் சிறப்பாக முடிய வழி பிறக்கும். வரவேண்டிய பணம் கைக்கு வந்து சேரும். இரவு பகலாக உழைக்க வேண்டி இருக்கும்.

அரசியல்வாதிகள் மக்கள் தொடர்பான பிரச்சினைகளைச் சந்திக்க நேரிடும். மக்கள் பிரச்சனைகளைத் தீர்த்து அவர்களின் ஆதரவைப் பெறுவீர்கள்.

மாணவர்களுக்கு உயர்கல்வி பற்றிய கவலை நீங்கும். ஆனால் கல்வியில் வெற்றி பெற கடுமையாக உழைக்க வேண்டி இருக்கும்.

பரிகாரம்: முருகப்பெருமானை தரிசித்துப் பிரார்த்தித்தால், மனக்குழப்பம் நீங்கும். செல்வ நிலை உயரும்.

மதிப்பெண்கள்: 78% நல்ல பலன்கள் கிடைக்கும்

+ மனதில் சந்தோஷம் அதிகரிக்கும். வெளிநாடு யோகம் உண்டு.

- வீண் மனக்கவலை உண்டாகும்.

போட்டோ கேலரி

Hindu Tamil Thisai - Kindle Edition


[X] Close