[X] Close

மொழிமாற்றம் செய்தது எச்.ராஜாவா?- கிண்டல் செய்த குஷ்பு


or-is-it-that-amitshah-had-asked-your-tamil-pundit-hraja-to-do-the-translation

  • பாரதி ஆனந்த்
  • Posted: 02 Nov, 2018 10:26 am
  • அ+ அ-

சர்தார் வல்லபபாய் படேல் சிலையின் கீழ் ஸ்டாட்சூ ஆஃப் யூனிட்டி தமிழில் மொழிமாற்றம் செய்யப்பட்டது சர்ச்சையாகியுள்ள நிலையில் மொழிமாற்றம் செய்தது எச்.ராஹாவா எனக் கிண்டல் செய்துள்ளார் காங்கிரஸ் செய்தித் தொடர்பாளர் குஷ்பு.

கடந்த அக்டோபர் 31-ம் தேதி குஜராத்தின் நர்மதா மாவட்டத்தில் நிறுவப்பட்டுள்ள சர்தார் வல்லபபாய் படேலின் சிலை நாட்டுக்கு அர்ப்பணிக்கப்பட்டது. அந்த சிலைக்கு ஒற்றுமையின் சிலை ஸ்டாட்சூ ஆஃப் யூனிட்டி எனப் பெயரிடப்பட்டுள்ளது.
ஆனால், அதற்கு ஒருநாள் முன்னதாகவே சிலையின் கீழ் வைக்கப்பட்டிருந்த பலகையில் தமிழில் தவறாக எழுதப்பட்டிருந்தது சர்ச்சை ஆனது.

தமிழில் ஒற்றுமையின் சிலை என்பதற்கு பதிலாக கூகுளில் ட்ரான்ஸ்லிட்டரேட் செய்யப்பட்டு ஸ்டேட்டுக்கு ஓப்பி யூனிட்டி என பலகையில் எழுதப்பட்டிருந்ததாக படங்கள் உலா வரத் தொடங்கின.

இது குறித்து வாத விவாதங்கள் எழ. சிலையின் கீழ் பலகையில் அப்படி எழுதப்படவே இல்லை என பாஜக கூறி வருகிறது.
இந்நிலையில் இது குறித்து ட்வீட் செய்துள்ள குஷ்பு, "மத்திய அரசு என்ன நினைத்துக் கொண்டு இதை எழுதியதோ? ஒரு மொழிமாற்றத்தைக்கூடவா சரியாகப் பெற முடியாது. இல்லை அமித்ஷா தமிழ் பண்டிட் எச்.ராஜாவை வைத்து மொழிபெயர்த்தாரா?" என வினவியுள்ளார்.

 

சிறுநீர் பாசன சர்ச்சை..

குஷ்பு எச்.ராஜாவை இப்படி விமர்சிக்கக் காரணம் அவர் அமித் ஷா பேச்சை மொழிமாற்றம் செய்தபோது உருவான சர்ச்சை. சென்னை வந்த அமித் ஷா மத்திய அரசின் சாதனைகளை விளக்கும்போது மைக்ரோ இரிகேஷன் எனப்படும் நுண்நீர் பாசனம் பற்றி பேசினார் அதனை எச்.ராஜா சிறுநீர் பாசனம் என மொழிபெயர்த்ததால் நெட்டிசன்களால் வாட்டி வதைக்கப்பட்டார். இதனைத் தொடர்புப்படுத்தியே தற்போது குஷ்பு மொழிபெயர்ப்பு சர்ச்சையில் எச்.ராஜாவை இழுத்திருக்கிறார்.

போட்டோ கேலரி

Therkil Irunthu Oru Suriyan - Kindle Edition


[X] Close