[X] Close
 

முன்கூட்டியே கசிந்ததா கர்நாடகா தேர்தல் தேதி?


election-date-leaked

  • பாரதி
  • Posted: 27 Mar, 2018 12:49 pm
  • அ+ அ-

கர்நாடகா சட்டபேரவைத் தேர்தல் தேதியை தேர்தல் ஆணையம் அறிவிப்பதற்கு முன்னரே தனது ட்விட்டர் பக்கத்தில் பாஜக ஐடி பிரிவு தலைவர் அமித் மால்வியா அறிவித்தது சர்ச்சையைக் கிளப்பியுள்ளது.
கர்நாடகா சட்டப்பேரவைத் தேர்தல் வரும் மே 12-ல் நடைபெறும் வாக்குகள் மே 15-ல் எண்ணப்படும் எனத் தலைமைத் தேர்தல் ஆணையம் அறிவித்தது. ஆனால், தேர்தல் ஆணையம் தேர்தல் தேதியை அறிவிப்பதற்கு முன்னதாகவே, பாஜக ஐடி பிரிவு தலைவர் அமித் மால்வியா தனது ட்விட்டர் பக்கத்தில் கர்நாடகா சட்டப்பேரவைக்கு மே 12-ல் தேர்தல், மே 18-ல் வாக்கு எண்ணிக்கை எனப் பதிவிட்டிருந்தார்.
இது குறித்து ட்விட்டராட்டிகள் பலரும் அமித் மால்வியாவிடம் தேர்தல் ஆணையம் அறிவிப்பதற்கு முன்னதாகவே நீங்கள் எப்படிக் கூறுகிறீர்கள் எனக் கேள்வி எழுப்ப சில ஊடகங்கள் இத்தகவலை பிளாஷ் செய்ததாகவும் அதன்படியே தான் ட்வீட் செய்ததாகவும் பதிலளித்தார்.
சர்ச்சை பெரிதாகவே அவரது ட்வீட்டையும் டெலீட் செய்தார்.


இதற்கிடையே, செய்தியாளர்கள் சந்திப்பின்போது ஒருசில செய்தியாளர்கள் தலைமைத் தேர்தல் ஆணையரிடம் அமித் மால்வியா ட்வீட் குறித்தும் சில செய்தி சேனல்கள் ஒளிபரப்பிய பிளாஷ் குறித்தும் கேள்வி எழுப்பினர். நீங்கள் தேர்தல் தேதியை அறிவிப்பதற்கு முன்னதாகவே எப்படி இத்தகவல் கசிந்தது எனக் கேள்வி எழுப்பினர்.
அதற்கு, தலைமைத் தேர்தல் ஆணையர் ஓம் பிரகாஷ் ராவத், "என்ன நடந்தது என்பதை நாங்கள் கண்டுபிடிப்போம். முழுமையான விசாரணை மேற்கொள்ளப்படும். தேர்தல் தொடர்பான தகவல் கசிவு மீது தேர்தல் ஆணையம் உரிய நடவடிக்கை எடுக்கும். சட்டபூர்வமாகவும் நிர்வாக ரீதியாகவும் நடவடிக்கை எடுக்கப்படும்" என்றார்.

தொடர்புடைய செய்திகள்




Kalathin Vasanai - Kindle Edition


d7

[X] Close