[X] Close
 

வார்த்தைப்பூக்கள்


tamil-poem-world-poetry-day

  • kamadenu
  • Posted: 21 Mar, 2018 18:59 pm
  • அ+ அ-

புல் வெளியில் இடைவெளியுடன் அமர்ந்திருக்கிறோம்,

புற்கள் யாவிலும் வார்த்தைகள் பூத்துக்கிடக்கின்றன

எடுக்கவா...கோர்க்கவா என்பது போல்

என்னைப்பார்க்கிறாய் ,

வேண்டாம் ..,

புதுப்பூக்கள் உன் பார்வைக்கு தெரிவதில்லை ,

வாடி வதங்கிய பழைய நினைவுகளை

வார்த்தைப்பூக்களாய் தேர்வு செய்கிறாய்,

நீ அவ்வப்போது போட்ட

இப்பூக்கள் மாலையாகக் கழுத்தில் கனக்கின்றன

பார்....

என் தலை கூடக் குனிந்தே தான் போய்விட்டது,

பாரத்தால் ......

இருக்கட்டும் ......

நீ இவற்றை  மனதில் சுமந்து வேதனைப்பட்டிருப்பாய் ,

ஆனால் என்ன செய்வது ...

மீண்டும் கஷ்டப்பட்டுத் தேடி ,

பொறுக்கி எடுத்து

மனதில் பொறுத்ததியபடிதான் இருக்கிறாய்...

சிதறிய வார்த்தைகளை..

விட்டுவிடு

வார்த்தைகள் கீழேயே கிடக்கட்டும்

வாடியபடி.

- லதா ரகுநாதன்




Kalathin Vasanai - Kindle Edition


m7

d7

[X] Close