[X] Close

பெயர் ஷிவ் ஷங்கர் பத்ரா; ஊர் மேற்கு வங்கம்.. அடையாளம் மெஸ்ஸியின் தீவிர ரசிகர்


fifa-fever-love-for-messi-makes-bengal-fan-paint-house-in-argentina-colours

  • பாரதி ஆனந்த்
  • Posted: 14 Jun, 2018 14:51 pm
  • அ+ அ-

உலகக் கோப்பை கால்பந்து போட்டி இன்று தொடங்குகிறது. கால்பந்து ஆர்வலர்களை விளையாட்டுக் காய்ச்சல் தொற்றிக் கொண்டிருக்கிறது. கிரிக்கெட் ரசிகர்களுக்கு சற்றும் சளைத்தவர்கள் இல்லை இந்த கால்பந்து ரசிகர்கள். இவர்களும் தங்கள் அன்பை ஆர்வத்தை வித்தியாசமாக வெளிப்படுத்துவதில் வல்லவர்கள்தான். அந்த வகையில் கொல்கத்தாவின் ஷிவ் சங்கர் பத்ரா ஒரு தீவிர மெஸ்ஸி ரசிகர்.

எவ்வளவு பெரிய ரசிகர் என்றால் தனது டீக்கடைக்கும் வீட்டுக்கும்  அர்ஜென்டினா கொடியின் நிறம் பூசியிருக்கிறார்.
ரஷ்யாவுக்குச் சென்று நேரில் கால்பந்து போட்டியைக் காண்பது என்பது ஷிவ் சங்கர் பத்ராவின் பொருளாதார நிலைக்கு சாத்தியமில்லை. ஆனால், மெஸ்ஸி மீதான அன்பை அவரால் இப்படி வெளிப்படுத்த முடியும்.

பத்ரா ஒரு வெளிநாட்டு சுற்றுலா ஏஜெண்டை அணுகி தன்னை ரஷ்யா அனுப்புமாறு கோரியுள்ளார். செலவு ரூ.1.5 லட்சமாகும் என அவர் கூறியிருக்கிறார். பத்ராவிடம் இருந்ததோ ரூ.60,000 மட்டுமே.

உடனே பத்ரா வீட்டுக்கு அர்ஜென்டினா கொடியின் நிறம் பூசியிருக்கிறார்.

இது குறித்து பத்ரா, "எனக்கு சிகரெட், மதுப் பழக்கம் இல்லை. ஆனால் ஒரேஒரு போதை இருக்கிறது. அது மெஸ்ஸி மீதும் அர்ஜென்டினா அணி மீதுமான போதை. எனது வருமானம் குறைவுதான். ஆனால், ஒவ்வொரு முறை உலகக்கோப்பை போட்டி நடக்கும் போதும் எனது வீடு இப்படி ஜொலிக்கும். வீட்டின் வெளிப்புற சுவர் மட்டுமல்ல வீட்டின் அறைகளும் அர்ஜென்டினா கொடி நிறத்தில் தான் உள்ளன" என்றார்.

பத்ரா மட்டுமல்ல பத்ராவின் மனைவி, குழந்தைகளும் மெஸ்ஸியின் தீவிர ரசிகர்கள் என்பதே உச்சபட்ச ருசிகரம். உலகக் கோப்பை போட்டியின்போது அர்ஜென்டினா அணி விளையாடும் எல்லா நாட்களிலும் டீ, சமோசா இலவசமாக வழங்குகிறார்.
ஒவ்வோர் ஆண்டும் மெஸ்ஸின் பிறந்தநாளன்று ரத்த தான முகாம் நடத்துவது ஷிவ் ஷங்கரின் வாடிக்கை. இந்த ஆண்டு மெஸ்ஸியின் பிறந்தநாளன்று உலககோப்பை போட்டி நடைபெறுவதால் 30 பவுண்ட் எடையுள்ள கேக்கை வெட்ட பத்ரா முடிவு செய்துள்ளார். தன் பகுதியைச் சேர்ந்த குழந்தைகளுக்கு மெஸ்ஸியின் புகைப்படம் அச்சிடப்பட்ட டிஷர்ட் வழங்கவிருக்கிறார்.
பத்ராவைப் போல் மேற்குவங்க மாநில மக்களுக்கு கால்பந்து என்றால் அலாதிப் பிரியம்.

போட்டோ கேலரி

Therkil Irunthu Oru Suriyan - Kindle Edition


[X] Close