[X] Close
 

மாட்டிறைச்சி சாப்பிடாதவர்களுக்கு மட்டுமே உதவுங்கள்: சாமியாரின் சர்ச்சைப் பேச்சு


swami-chakrapanis-kerala-flood-relief-advice-belongs-in-the-trash

  • பாரதி ஆனந்த்
  • Posted: 23 Aug, 2018 10:53 am
  • அ+ அ-

கேரளாவில் மழை வெள்ளத்தால் பாதிக்கப்பட்டுள்ள மக்களில் மாட்டிறைச்சி சாப்பிடாதவர்களுக்கு மட்டுமே இந்துக்கள் உதவ வேண்டும் என சாமியார் சக்ரபாணி மகாராஜ் கூறியிருப்பது சர்ச்சையைக் கிளப்பியுள்ளது.

கேரளாவில் 100 ஆண்டுகளில் இல்லாத அளவுக்கு பெய்த கனமழையால் ஏற்பட்ட வெள்ளத்தில் சிக்கி 324 உயிர்கள் பலியாகின. 80 அணைகள் திறக்கப்பட்டுள்ளனர். 223139 மக்கள் 1500 நிவாரண முகாம்களில் தங்க வைக்கப்பட்டுள்ளனர்.

இந்நிலையில், அனைத்திந்திய இந்து மஹாசபாவின் தலைவரான சாமியார் சக்கரபாணி மகாராஜ் ஏஎன்ஐ செய்தி நிறுவனத்துக்கு அளித்த பேட்டியில், "கேரள மக்களுக்கு உதவுமாறு நான் வேண்டுகிறேன். ஆனால், உதவியானது இயற்கையை மதிப்பவர்களுக்கும் ஜீவராசிகளைப் பேணுபவர்களுக்குமே அளிக்க வேண்டும். 
எந்தப் பிரச்சினையும் இல்லாமல் ரொட்டி கிடைத்தபோது கேரளவாசிகள் சிலர் கோமாதாவை வதைத்து அந்த இறைச்சியை உண்டனர். அதனால், மாட்டிறைச்சியை உண்ணாதவர்களுக்கு மட்டுமே இந்துக்கள் உதவ வேண்டும்" என அவர் கேட்டுக் கொண்டுள்ளார்.

அவரது இந்த பேச்சு சர்ச்சையைக் கிளப்பியுள்ளது. ஒரு மாநிலம் அதிதீவிர இயற்கைப் பேரிடரை சந்தித்திருக்கும் நிலையில் பிரிவினையைத் தூண்டும் வகையில் அவர் பேசியிருப்பதாகக் கண்டனக் குரல்கள் வலுத்து வருகின்றன.

[X] Close