[X] Close

கர்நாடகா குழப்பத்துக்கு ராகுல் மீது குறை கூறுங்கள்: மத்திய அமைச்சர் ராஜ்நாத் சிங் பேச்சு


  • kamadenu
  • Posted: 09 Jul, 2019 08:05 am
  • அ+ அ-

-,

கர்நாடகாவில் ஏற்பட்டுள்ள அரசியல் குழப்பத்துக்கு காங்கிரஸ் தலைவர் ராகுல் காந்தி மீது குறை கூறுங்கள் என்று மத்திய உள்துறை அமைச்சர் ராஜ்நாத் சிங் மக்களவையில் பேசினார்.

கர்நாடகாவில் மஜத-காங்கிரஸ் கூட்டணி ஆட்சி நடைபெற்று வருகிறது. அங்கு காங்கிரஸ்-மஜதவை சேர்ந்த எம்எல்ஏக்கள் 15 பேர் ராஜினாமா செய்துள்ளதால் ஆட்சி கவிழும் நிலை ஏற்பட்டுள்ளது. இதற்கு பாஜகதான் காரணம் என்று காங்கிரஸ் குற்றம் சாட்டியுள்ளது.

இதே பிரச்சினையை நேற்று மக்களவையில் காங்கிரஸ் உறுப்பினர்கள் எழுப்பினர். அப்போது அதற்கு பதிலளித்து மத்திய அமைச்சர் ராஜ்நாத் சிங் பேசும்போது, “கர்நாடகாவில் நடைபெற்று வரும் அரசியல் குழப்பத்துக்கும், பாஜகவுக்கும் எந்த சம்பந்தமும் இல்லை. எந்தக் கட்சியின் எம்எல்ஏவையோ அமைச்சரையோ எங்கள் கட்சிக்கு வருமாறு நாங்கள் அழைக்கவில்லை.

இதற்குக் காரணம் காங்கிரஸ் தலைவர் ராகுல் காந்திதான். அவர்தான் ராஜினாமா என்ற ஆட்டத்தைத் தொடங்கிவைத்தார்.

எனவே கர்நாடக அரசியல் குழப்பத்துக்கு அவர்தான் காரணம். வேண்டுமானால் அவர் மீது குறை கூறுங்கள். பாஜகவை குறை கூற வேண்டாம்” என்றார்.

Advt:

போட்டோ கேலரி

Hindu Tamil Thisai - Kindle Edition


[X] Close