[X] Close

வெந்தயக்குழம்பு... தனி ருசி!


vendhyakuzhambu

  • வி.ராம்ஜி
  • Posted: 06 Jul, 2018 14:46 pm
  • அ+ அ-

எந்த வேலையையும் ஈஸியா செய்றதுக்கு வழி என்னன்னு தெரியுமா என்று அம்மா அடிக்கடி கேட்பார். அந்த வழி. அந்த வேலையை ரசித்து ரசித்துச் செய்யவேண்டும் என்பார்.

சமையல் என்பதும் கலையே! அற்புதமானதொரு வேலைதான்! இந்த வேலையை எல்லா வீட்டுச் சமையலறையிலும் அம்மாக்களோ, மனைவிமார்களோ, சகோதரிகளோ நமக்காக, ரசித்து ரசித்து, ஆத்மார்த்தமாகச் சமைப்பார்கள்.

அப்படி முழுஈடுபாட்டுடன் செய்தால், சமைப்பது எளிது. பொதுவாகவே இதில் இன்னும் எளிதானது... வெந்தயக்குழம்பு!

குழம்பு, காரக்குழம்பு, வத்தக்குழம்பு, மோர்க்குழம்பு என்றெல்லாம் பண்ணுவார்கள். இந்த வெந்தயக்குழம்பு, எல்லா வீடுகளிலும் பண்ணுவதில்லை. ஏன் இப்படி வெந்தயத்தை விரோத மனப்பான்மையுடன் பார்க்கிறார்கள்? 

உண்மையில், வெந்தயக்குழம்பு எளிமையானது. சுவையானது. உடலையும் குளிர்ச்சிப்படுத்தக்கூடியது.

சென்னை மடிப்பாக்கத்தில் உள்ள மரகதம் பாட்டி, ‘வெந்தயக்குழம்பு பிரமாதம். பேச்சிலர்ஸ் கூட ஈஸியாப் பண்ணி இறக்கிடலாம்’ என்று விளக்கினார்.

என்னென்ன தேவை?

சின்ன வெங்காயம் - ஒரு கைப்பிடி அளவு

பூண்டு   - எட்டு அல்லது பத்து பல்

வெந்தயம்  - ஒரு டீஸ்பூன் அல்லது ஒன்றரை டீஸ்பூன்

மஞ்சள்பொடி  - கால் டீஸ்பூன்

மல்லிப்பொடி - 2 டீஸ்பூன்

மிளகாய்ப்பொடி - 1 டீஸ்பூன்

புளி - ஒரு கோலிக்குண்டு அளவு

எண்ணெய், உப்பு - தேவையான அளவு

கொத்தமல்லி  - சிறிதளவு

இப்படித்தான் செய்யணும்!

 முதலில் புளியை நன்றாக ஊறவைத்து கரைத்துக்கொள்ளுங்கள். பிறகு அந்தச் சக்கையை நீக்கிவிடுங்கள். இதையடுத்து  வெந்தயத்தை வெறுமனே வாணலியில் வறுத்து நைசாக பொடித்துக்கொள்ளுங்கள்.

வாணலியில் நன்றாக எண்ணெய் காய வைத்து தாளிக்கும் பொருட்களை அதில் இட்டு, நன்றாகத் தாளித்துக்கொள்ளவேண்டும். சின்ன வெங்காயத்தை உரித்து ரெடியாக வைத்துக்கொள்ளுங்கள். அந்த வெங்காயம், பூண்டு பற்கள் சேர்த்து பொன்னிறமாக வரும்வரை நன்றாக வதக்குங்கள்.

பிறகு, புளித்தண்ணீர் சேர்க்கவும். மிளகாய்ப் பொடி, மஞ்சள் பொடி , மல்லிப்பொடி, உப்பு ஆகியவற்றைச் சேர்த்து போதுமான நீர் விட்டு கொதிக்கவிடுங்கள்.

குழம்பு எண்ணெய் பிரிந்து வரும் போது வெந்தயப்பொடி சேர்த்து நன்றாகக் கிளறுங்கள்.

அப்புறம் என்ன... ஒருவித புதிய சுவையுடன் வெந்தயக்குழம்பு தயாராகிவிட்டது. நீங்கள் சாப்பிடவேண்டியதுதான் பாக்கி!

சுவைக்கும் சுவையாச்சு. உடம்பின் உஷ்ணத்தையும் தணிக்கவும் செய்யும். சட்டுன்னு செஞ்சு, பட்டுன்னு இறக்கிடலாம்... வெந்தயக்குழம்பு! 

 

வாக்களிக்கலாம் வாங்க

காற்றின் மொழி உங்கள் ஸ்டார் ரேட்டிங் என்ன?

போட்டோ கேலரி

Therkil Irunthu Oru Suriyan - Kindle Edition


[X] Close