[X] Close

‘ஆடை’ படத்துக்கு ‘ஏ’ சான்றிதழ்: படக்குழுவினர் அதிர்ச்சி


  • kamadenu
  • Posted: 03 Jun, 2019 11:16 am
  • அ+ அ-

-ஸ்கிரீனன்

அமலா பால் நடிப்பில் உருவாகியுள்ள ‘ஆடை’ படத்துக்கு ‘ஏ’ சான்றிதழ் கொடுத்து, படக்குழுவினரை அதிர்ச்சியில் ஆழ்த்தியுள்ளது தணிக்கைக் குழு.

‘மேயாத மான்’ படத்தின் இயக்குநர் ரத்னகுமார் இயக்கத்தில் அமலா பால் நடித்துள்ள படம் ‘ஆடை’. இந்தப் படத்தின் படப்பிடிப்பு, சென்னையைச் சுற்றியுள்ள பகுதிகளில் நடைபெற்றுள்ளது. ஒட்டுமொத்த படப்பிடிப்பும் முடிவடைந்து, இறுதிக்கட்டப் பணிகளில் கவனம் செலுத்தி வந்தது படக்குழு.

படம் நேரடி ஒலிக்கலவை என்பதால், டப்பிங் பணிகள் கிடையாது. இதனால், இறுதிக்கட்டப் பணிகள் சீக்கிரமாக முடிவடைந்ததால், தணிக்கைக்கு விண்ணப்பித்தனர். படத்தைப் பார்த்த தணிக்கை அதிகாரிகள், ‘ஏ’ சான்றிதழ் வழங்கி படக்குழுவினரை அதிர்ச்சியில் ஆழ்த்தியுள்ளனர்.

பெண் ஒருவர் ஆடையில்லாமல், ஒரு இடத்தில் மாட்டிக் கொள்கிறார். அங்கிருந்து அவர் எப்படி தப்பிக்கிறார் என்ற பின்னணியில் இந்தக் கதை அமைக்கப்பட்டு இருப்பதாகத் தகவல் வெளியாகியது. ஆனால், படத்தைப் பார்த்த தணிக்கைக் குழுவினரோ, அதிகமான ஆபாசம் இருப்பதால் ‘ஏ’ சான்றிதழ் மட்டுமே தரஇயலும் எனத் தெரிவித்துவிட்டனர்.

‘ஏ’ சான்றிதழ் என்பதால் குடும்பத்தோடு படம் பார்ப்பவர்கள் எண்ணிக்கை வெகுவாகக் குறைவது மட்டுமின்றி, தொலைக்காட்சி ஒளிபரப்பு உரிமையும் குறைந்த விலைக்கே போகும் என்ற கவலையில் உள்ளது படக்குழு.

போட்டோ கேலரி

Hindu Tamil Thisai - Kindle Edition


[X] Close