[X] Close

விஜய், சூர்யா, ரகுவரனுக்கு பதில் தனுஷ், கார்த்தி, விஜய்சேதுபதி! ’பன்னீர்புஷ்பங்கள்’ சாந்தி கிருஷ்ணா


shanthi-krishna

நேருக்கு நேர் திரைப்படம்

  • வி.ராம்ஜி
  • Posted: 10 Mar, 2019 15:58 pm
  • அ+ அ-

வி.ராம்ஜி

’நேருக்கு நேர்’ படம் ரீமேக் செய்யப்பட்டால், விஜய், சூர்யாவுக்கு பதிலாக தனுஷ், கார்த்தி நடிக்கலாம் என்றும் ரகுவரன் செய்த கேரக்டரில் விஜய் சேதுபதி செய்தால் பிரமாதமாக இருக்கும் என்றும்  ‘பன்னீர் புஷ்பங்கள்’ சாந்தி கிருஷ்ணா தெரிவித்தார்.

‘பன்னீர் புஷ்பங்கள்’ படத்தில் அறிமுகமானவர் சாந்தி கிருஷ்ணா. இவர் இயக்குநர் சுரேஷ் கிருஷ்ணாவின் சகோதரி. மணல் கயிறு, நேருக்கு நேர் முதலான பல படங்களில் நடித்துள்ளார்.

சமீபத்தில், தனியார் இணையதளத்துக்கு சாந்தி கிருஷ்ணா பேட்டி அளித்தார்.

அப்போது அவர் தெரிவித்ததாவது:

’நேருக்கு நேர்’ படத்தில் எனக்குத் தம்பியாக சூர்யா நடித்திருந்தார். அதுதான் அவருக்கு முதல் படம். அமைதியாக இருப்பார். ரெண்டு வார்த்தைதான் பேசுவார். அளந்து அளந்துதான் பேசுவார்.

சூர்யாவைப் போலத்தான் விஜய்யும். அமைதியாகவே இருப்பார். அளந்துதான் பேசுவார். லேசாகத்தான் சிரிப்பார்கள். ஆனால், இதெல்லாம் கேமிராவுக்கு வெளியேதான். கேமிராவுக்கு எதிரே வந்து நின்றுவிட்டால், அப்படியொரு நடிப்பை வழங்குவார்கள். எனக்கு ஆச்சரியமாக இருக்கும்.

அன்றைக்கு நான் பார்த்த சூர்யா இல்லை. நடிப்பில், டயலாக் டெலிவரியில், எக்ஸ்பிரஷனில் எங்கேயோ போய்விட்டார் சூர்யா. மிகப்பிரமாதமான நடிகர் எனப் பெயர் வாங்கியிருப்பதைப் பார்க்கவே சந்தோஷமாக இருக்கிறது.

நேருக்கு நேர் படம் இப்போது ரீமேக் செய்யப்பட்டால், ரகுவரன் கேரக்டருக்கு விஜய் சேதுபதி மிகப்பொருத்தமாக இருப்பார். இன்றைய தேதிக்கு, அந்தக் கேரக்டரை விஜய் சேதுபதிதான் பண்ணமுடியும். மேலும் எந்தக் கதாபாத்திரமென்றாலும் அதில் விஜய் சேதுபதி டச் வைத்துக்கொண்டே வருகிறார். பிரமிப்பாக இருக்கிறது.

மற்றபடி, விஜய், சூர்யாவுக்கு பதிலாக யாரென்று யோசித்தால், விஜய் கேரக்டருக்கு தனுஷ் நடிக்கலாம். அதேபோல, அண்ணன் சூர்யா கேரக்டரை கார்த்தி செய்தால், சிறப்பாக இருக்கும்.

இவ்வாறு சாந்திகிருஷ்ணா தெரிவித்தார்.

 

போட்டோ கேலரி

Hindu Tamil Thisai - Kindle Edition


[X] Close