[X] Close

விஜய் ரசிகர்களுக்கு ‘தளபதி 63’ படக்குழுவினர் வேண்டுகோள்


ags-entertainments-request-to-vijay-fans

  • காவேரி மாணிக்கம்
  • Posted: 04 Feb, 2019 18:41 pm
  • அ+ அ-

‘தளபதி 63’ படத்தின் தயாரிப்பு நிறுவனமான ஏஜிஎஸ் நிறுவனம், தங்களுடைய ட்விட்டர் பக்கத்தில் விஜய் ரசிகர்களுக்கு வேண்டுகோள் விடுத்துள்ளது.

‘சர்கார்’ படத்தைத் தொடர்ந்து அட்லீ இயக்கத்தில் உருவாகும் படத்தில் நடித்து வருகிறார் விஜய். இதன் படப்பிடிப்பு சென்னையில் அரங்குகள் அமைத்து நடைபெற்று வருகிறது. ஏஜிஎஸ் நிறுவனம் பெரும் பொருட்செலவில் தயாரித்து வருகிறது.

நயன்தாரா, கதிர், யோகி பாபு, விவேக் உள்ளிட்ட பலர் விஜய்யுடன் நடித்து வருகிறார்கள். ஏ.ஆர்.ரஹ்மான் இசையமைக்கும் இப்படத்துக்கு ஜி.கே.விஷ்ணு ஒளிப்பதிவு செய்கிறார். இப்படத்தின் படப்பிடிப்பு நடைபெறும் இடத்துக்கு விஜய் ரசிகர்கள் குவிந்த வண்ணம் இருந்தனர். அப்போது படப்பிடிப்பு முடித்துவிட்டு கிளம்பும்போது விஜய் காரிலிருந்து கீழே இறங்கி ரசிகர்களை நோக்கி கையசைக்கும் வீடியோக்கள் இணையத்தில் வெளியானது.

மேலும், படப்பிடிப்பு தளத்தில் விஜய்யின் அறிமுகக் காட்சியை எப்படி படமாக்கியுள்ளனர், அப்போது யோகி பாபு பேசும் வசனம் என்ன உள்ளிட்டவை இணையத்தில் செய்தியாக வெளியானது. இதனை விஜய் ரசிகர்கள் பலரும் ஷேர் செய்யத் தொடங்கினார்கள்.

இதனைத் தொடர்ந்து ‘தளபதி 63’ படத்தைத் தயாரித்துவரும் ஏஜிஎஸ் நிறுவனம் தங்களது ட்விட்டர் பக்கத்தில், “ரசிகர்களுக்குப் பெரிய வேண்டுகோள். ‘தளபதி 63’ தொடர்பாக எந்தவொரு தகவலையும் ஷேர் செய்ய வேண்டாம். உங்களை மகிழ்விக்க படக்குழுவினர் இரவு பகலாக உழைத்து வருகிறார்கள்” என்று தெரிவித்துள்ளனர்.

2019 தீபாவளி வெளியீடாக திரைக்கு வரும் என்று படக்குழு ஏற்கெனவே அறிவித்திருப்பது குறிப்பிடத்தக்கது.

வாக்களிக்கலாம் வாங்க

'தேவ்' உங்கள் ஸ்டார் ரேட்டிங் என்ன?

போட்டோ கேலரி

Therkil Irunthu Oru Suriyan - Kindle Edition


[X] Close