[X] Close

ஐஎம்ஏ ஜூவல்ஸ் நிறுவனம் மீது நிதி மோசடி வழக்கு பதிவு: அமலாக்கத் துறை நடவடிக்கை


  • kamadenu
  • Posted: 16 Jun, 2019 08:45 am
  • அ+ அ-

பெங்களூருவைச் சேர்ந்த ஐஎம்ஏ ஜூவல்ஸ் நிறுவனம் மீது அன்னியச் செலாவணி வழக்கை அமலாக்கத் துறை பதிவு செய்துள்ளது. இந்நிறுவனத்தின் நிதி திட்டத்தில் பல்லாயிரக்கணக்கானோர் முதலீடு செய்தனர். ஆனால் முதலீட்டாளர்களுக்கு முதிர்வு காலத்தில் பணத்தை திருப்பித் தரவில்லை. இது தொடர்பாக நிறுவனத்தின் மீதும், நிர்வாக இயக்குநர் முகம்மது மன்சூர் கான் மீதும் அன்னியச் செலாவணி மோசடி தடுப்பு சட்டத்தின்கீழ் வழக்கு பதிவு செய்யப்பட்டுள்ளதாக தெரிவிக்கப்பட்டுள்ளது. இந்நிறுவனம் மீது கடந்த 11-ம் தேதி போலீஸார் இந்திய குற்றவியல் தண்டனைச் சட்டம் 406, 420 ஆகிய பிரிவுகளின் கீழ் வழக்குப் பதிவு செய்தனர். இந்த வழக்கை விசாரிக்க சிறப்பு புலனாய்வுக் குழுவும் (எஸ்ஐடி) அமைக்கப்பட்டுள்ளது.

இந்நிறுவனத்தில் முதலீடு செய்து ஏமாந்த 26 ஆயிரம் பேரிடமிருந்து பெற்ற புகாரின் அடிப்படையில் ஐஎம்ஏ அலுவலகத்திலிருந்து முக்கிய ஆவணங்களை சிறப்பு புலனாய்வு பிரிவு கைப்பற்றியுள்ளது. இந்த ஆவணங்களைக் கைப்பற்றி மேற்கொண்டு விசாரணை நடத்தப்படும் என அமலாக்கத் துறை அதிகாரிகள் தெரிவித்தனர்.

நிறுவனத்தின் உரிமையாளர் கான் கடந்த 8-ம் தேதியே பெங்களூரிலிருந்து துபாய்க்கு தப்பி ஓடி விட்டதாக தகவல்கள் தெரிவிக்கின்றன. ஏறக்குறைய ரூ.1,250 கோடி வரை பணத்தை திரட்டிக் கொண்டு அவர் தலைமறைவாகியிருக்கலாம் எனக் கூறப்படுகிறது. பெங்களூருவில் உள்ள 6 ஐஎம்ஏ ஜூவல்ஸ் விற்பனையகங்களில் இருந்து ஆவணங்கள், தங்க நகைகள், வைரங்கள் உள்ளிட்டவற்றை சிறப்பு புலனாய்வு குழு கைப்பற்றியுள்ளது.

Advt:

போட்டோ கேலரி

Hindu Tamil Thisai - Kindle Edition


[X] Close