[X] Close
 

வாய்மொழியல்ல வாழ்க்கை மொழி


book-introduction-about-keezhadi

  • Team
  • Posted: 02 Mar, 2018 11:06 am
  • அ+ அ-

மதுரையை ஒட்டியுள்ள பகுதிகளில் நடைபெற்ற அகழாய்வுகள், தொல்லியல் கண்டுபிடிப்புகள் பற்றியும் சமீபத்தில் கீழடியில் நடத்தப்பட்ட அகழாய்வு குறித்த தகவல்களையும் அனைவரும் அறிந்துகொள்ள வேண்டும் என்கிற பேராவலின் விளைவே இக்குறு நூல். தமிழகத் தொல்லியல் அகழாய்வுப் பணிகளில் ஒரு முக்கிய ஆதாரமாக அமைந்த கீழடி அகழாய்வில் கிடைத்த செங்கல் கட்டுமானங்கள், விலையுயர்ந்த அணிகலன்கள், உலோகம் ஆகியவை சுமார் 2000 முதல் 2500 ஆண்டுகள் முந்தைய தமிழர் நாகரிகத்தின் சாட்சியங்களாக அமைந்துள்ளன. பொருத்தமான படங்களையும் இணைத்திருப்பது இன்னொரு சிறப்பு.

வாய்மொழியல்ல வாழ்க்கை மொழி

தமிழிலக்கிய வெளியில் கவிஞராக அறியப்பட்டவரின் 25 கட்டுரை கள் இந்நூலில் இடம்பெற்றுள்ளன. ‘நிகழ்காலத் தமிழ்ச் சமூகம் அடைந்துவருகின்ற அவலங்களே என் கட்டுரைகளாக விரிந்துள்ளன’ என நூலாசிரியர் சொல்வது முற்றிலும் சரியென்பதையே நூலின் அனைத்துக் கட்டுரைகளும் உணர்த்துகின்றன. வென்றால் தான் மக்கள் சேவையா?, வெற்றி முழக்கமா.. வெற்று முழக்கமா?, அறிவியலா.. அழிவியலா?, வேளாண் குடிகளின் மீது வணிகக் கொடிகள், மருத்துவத் துறைக்குச் சிகிச்சை தேவை உள்ளிட்ட கட்டுரைகளின் குரல்கள் சமூகத்தின் மனசாட்சியை எதிரொலித்துள்ளன.

அன்பிலோங்கிய வையம்

‘ஒருவரையொருவர் காதலியுங்கள்; ஆனால் அது அடிமைத்தனமாகிட வேண்டாம். உங்கள் ஆன்மாவின் கடலோரங்களுக்கிடையில் அசைந்துகொண்டிருக்கும் கடலாயிருக்கட்டும் அது’ எனும் கலீல் ஜிப்ரானின் கவிதை வரிகளோடு தொடங்கும் இந்நூலில், அன்பினாலான நேயமும் வாழ்தலுக்கான இருப்பும் ஒன்றையொன்று பின்னிக்கொண்டிருப்பதன் அவசியத்தைச் சொல்லும் அழகான குறுங்கவிதைகள், சிறு கட்டுரைகள், சோவியத் நாட்டுச் சிறுகதை, கொஞ்சம் வரலாறு என கதம்ப மணம் வீசுகிறது.

‘உன் செயலே, உன் நேசத்தின் அழகாய் அமையட்டும்’ என்கிற ரூமியின் சின்னச் சின்ன வரிகளும், சிறு ஓவியங்களும் அழகு!

உதிர்ந்த இலைகளின் பாடல்

1999-ல் வெளியான ‘சீனக் கவிதைகள்’ எனும் மொழிபெயர்ப்பு நூலின் இரண்டாம் பதிப்பாக வெளிவந்துள்ளது இந்நூல். மொழி பெயர்ப்பாளர் தமிழிலக்கிய மாணவியாக இருந்தபோது, ‘சீன இலக்கியம்’ எனும் காலாண்டிதழில் வாசித்த சீனக் கவிதைகளில் மனம் ஒன்றி, 42 சீனக் கவிஞர்களின் 81 கவிதைகளையும், 6 நாட்டுப்புறப் பாடல்களையும் மொழிபெயர்த்துத் தந்துள்ளார். சீன மக்களின் இயற்கையோடிணைந்த வாழ்வையும், அந்த நிலப்பரப்பையும் தனது மொழிபெயர்ப்பின் வழியாக மிக நெருக்கமாக தமிழ் வாசகர்களுக்குக் கொண்டுவந்து சேர்ப்பதில் வெற்றியடைந்துள்ளார் ப.கல்பனா.

தொடர்புடைய செய்திகள்

 
 




Kalathin Vasanai - Kindle Edition


m7

d7

[X] Close